„უცხოური გავლენის აგენტების“ შესახებ საქართველოს პარლამენტში „ხალხის ძალის“ მიერ დაინიცირებულ კანონპროექტებს პოლიტოლოგი ჯუმბერ კირვალიძე ეხმაურება და აცხადებს, რომ „ქართული ოცნება“ ვერანაირად ვერ შეძლებს საქართველოს დაბრუნებას რუსეთის ორბიტაზე, პუტინის „ჩექმის ქვეშ“.

„ვაი-ხელისუფლება, ე.წ. „უცხოელი აგენტების შესახებ“ კანონი კი არა, სულ რომ „თავზე ნაცარი წაიყაროთ“ და 1883 წლის „გეორგიევსკის ტრაქტატი“ რომ გაააქტიუროთ, 1921 წლის ოკუპაცია-ანექსია ლეგიტიმურად რომ გამოაცხადოთ, „უკანა რიცხვით“ სსრკ-ს დაშლის წინააღმდეგ რომ წახვიდეთ, მაინც ვერ შეძლებთ საქართველოს დაბრუნებას რუსეთის ორბიტაზე, პუტინის „ჩექმის ქვეშ“, მარტივი მიზეზის გამო, ამის უფლებას ქართველი ხალხი არ მოგცემთ და - თქვენი ღალატის ტოლფასი განზრახვა იმ წმინდა სისხლში ჩაიხრჩობა, რომელიც 200-ზე მეტი წლის განმავლობაში ათი ათასობით ქართველმა მამულიშვილმა დაღვარა საქართველოს დამოუკიდებლობისათვის და თავისუფლებისათვის!!

P.S. პოლიტიკურად გაუნათლებლები და ბეცები რომ ხართ კი ვიცოდი, მაგრამ ზნეობრივად თუ ამდენად გაირყვნებოდით და დაეცემოდით, ნამდვილად არ მეგონა!!! თუმცა, „თევზი თავიდან ყროლდებაო“ და ეგ სიმყრალის სუნი, - „ჩრდილოეთიდან მომავალმა ქარმა მოიტანა, აქ ჩრდილში მყოფი შეშინებული სუბიექტისაგან"!!!

P.P.S. ეგრე გააგრძელეთ, ამერიკელები და ევროპელები ლანძღეთ ყველა ბრუნვაში და ეს თქვენთვის დამახასიათებელი „ბრძნული ვირეშმაკობა", უსწრაფესად „გაგიყვანთ გაღმა, პოლიტიკურ მარილზე!!!“ - აცხადებს ჯუმბერ კირვალიძე.