კომუნიკაციების კომისიის თავმჯდომარემ კახა ბექაურმა, კომისიის 2021 წლის ანგარიშის პარლამენტში წარდგენისას, მედიის ფინანსურ გამჭვირვალობაზეც ისაუბრა. მისი განცხადებით, მაუწყებლებთან 9-წლიანი სასამართლო დავა დასრულდა და 2022 წლის იანვრიდან, მაუწყებლები ფინანსური გამჭვირვალობის შესახებ კანონით განსაზღვრულ ფორმებს ავსებენ.
ბექაურის თქმით, უზენაესმა სასამართლომ არ დააკმაყოფილა ტელეკომპანია „რუსთავი 2"-ის ყოფილი მენეჯმენტის სარჩელი, რომელიც კომუნიკაციების კომისიის გადაწყვეტილების ბათილად ცნობას ითხოვდა.
ComCom-ის თავმჯდომარემ განმარტა, რომ კომუნიკაციების კომისიის გადაწყვეტილება მაუწყებელთა ფინანსური გამჭვირვალობის შესახებ სრულ შესაბამისობაშია „მაუწყებლობის შესახებ" საქართველოს კანონთან და აღნიშნა, რომ 2013 წელს მიღებული კანონის მთავარი მიზანია, საზოგადოებას არაწინასაარჩევნო პერიოდშიც ჰქონდეს ინფორმაცია მედიის დაფინანსების წყაროების შესახებ, კერძოდ კი იმაზე, თუ რამდენად ახდენს სარედაქციო პოლიტიკაზე გავლენას კომერციული დაფინანსების წყარო.
კახა ბექაურმა აღნიშნა ისიც, რომ მაუწყებლების დიდი ნაწილი, წლების განმავლობაში არ ასრულებდა მედიის ფინანსური გამჭვირვალობის შესახებ კანონის მოთხოვნას და კომუნიკაციების კომისიის გადაწყვეტილება სასამართლოს სხვადასხვა ინსტანციაში ჰქონდათ გასაჩივრებული, თუმცა, არც ერთი ინსტანციის სასამართლომ მაუწყებლების მოთხოვნა არ დააკმაყოფილა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.