„ქართული ოცნების“ პარტიული კონფერენციები სამცხე-ჯავახეთის მხარეში დასრულდა. ახალქალაქში, ბორჯომში, ნინოწმინდაში, ადიგენში, ასპინძასა და ახალციხეში ადგილობრივი ორგანიზაციების თავმჯდომარეები და ბიუროს წევრები აირჩიეს.

„ქართული ოცნების“ ახალქალაქის ორგანიზაციას ახალქალაქის მუნიციპალიტეტის მერი მელქონ მაკარიანი უხელმძღვანელებს;

ბორჯომის ორგანიზაციას - ბორჯომის მუნიციპალიტეტის მერი, ოთარ არბოლიშვილი;

ნინოწმინდის ორგანიზაციას - ნინოწმინდის მუნიციპალიტეტის მერი, ანივარდ მოსოიანი;

ადიგენის ორგანიზაციას - ადიგენის მუნიციპალიტეტის მერი, გოჩა ქიმაძე;

ასპინძის ორგანიზაციას - ასპინძის მუნიციპალიტეტის მერი, როსტომ მაგრაქველიძე;

ახალციხის ორგანიზაციას - ახალციხის მუნიციპალიტეტის მერი, ირაკლი ლაზარაშვილი;

კონფერენციებს ესწრებოდნენ „ქართული ოცნების“ თავმჯდომარე, ირაკლი კობახიძე, გენერალური მდივანი, კახა კალაძე, აღმასრულებელი მდივანი, მამუკა მდინარაძე, რეგიონული მდივანი, დიმიტრი სამხარაძე, ახალციხის, ადიგენის, ბორჯომისა და ასპინძის მაჟორიტარი დეპუტატი, ანტონ ობოლაშვილი, სახელმწიფო რწმუნებული სამცხე-ჯავახეთის მხარეში, ბესიკ ამირანაშვილი.

ინფორმაციას „ქართული ოცნება“ ავრცელებს.