თბილისის მერის, კახა კალაძის თქმით, „ნაციონალური მოძრაობის“ თავმჯდომარე ლევან ხაბეიშვილი რეალობასაა აცდენილი, როდესაც აცხადებს, რომ 2024 წლის საპარლამენტო არჩევნებში გამარჯვების გასაღებს აღნიშნული პარტია ფლობს.
როგორც კახა კალაძემ მედიასთან შესაბამისი კითხვის საპასუხოდ განმარტა, არ აქვს მნიშვნელობა ოპოზიცია მომავალ არჩევნებში გაერთიანდება თუ არა, ქვეყანაში რადიკალიზმსა და ბოროტებას მომავალი არ აქვს.
„რამდენად სწორია ხაბეიშვილს ვუპასუხო არ ვიცი. „ნაციონალური მოძრაობის“ ლიდერის განცხადებებიდან იკვეთება, რომ რეალობას აცდენილია. მათზეა დამოკიდებული, რა ფორმით წარდგება ოპოზიცია 2024 წლის არჩევნებში - ცალ-ცალკე თუ ერთად. ერთი რამ ვიცი, ამ ქვეყანაში რადიკალიზმს, ბოროტებას მომავალი არ აქვს. ის, რაც ქვეყანაში 2012 წლამდე ხდებოდა წარსულია, რომლის შემოქმედი გახლდნენ ის პარტიები, რომლებიც ადრე ერთად იყვნენ და დღეს სხვადასხვა პარტიად არიან“, - განაცხადა კახა კალაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.