არასამთავრობო ორგანიზაცია “პოზიცია”-ს ორგანიზებით, 29 ნოემბერს კლუბ Urban Lounge-ში რიგით მეექვსე საქველმოქმედო საღამო, პროექტ “ქუჩის მუსიკოსები სოციალურად დაუცველი ადამიანების დასახმარებლად” ფარგლებში, გაიმართა.
როგორც ორგანიზაციის მიერ გავრცელებულ ინფორმაციაშია აღნიშნული, ღონისძიება ამჯერად 7 წლის მოზარდის დასახმარებლად ჩატარდა.
“რიგით მეექვსე საქველმოქმედო საღამო, პროექტ “ქუჩის მუსიკოსები სოციალურად დაუცველი ადამიანების დასახმარებლად” ფარგლებში ამჯერად 7 წლის თემურ ჯიმშელეიშვილის დასახმარებლად ჩატარდა, რომელსაც აქვს ცერებრალური დამბლა და ჰიდროცეფალია.
საღამოს ესწრებოდნენ ის ადამიანები და ორგანიზაციების წარმომადგენლები, რომლებიც წინა ღონისძიებებზე ჩვენს გვერდით იდგნენ და თავიანთი წვლილი შეიტანეს საქველმოქმედო საღამოების ჩატარებაში. მათ მიმართ მადლიერება და კეთილგანწყობა ა/ო “პოზიციამ მადლობის სიგელების გადაცემით გამოხატა. პატარა თემურს, კლუბში წარმოდგენილი საზოგადოება მცირედი თანხით, 820 ლარით დაეხმარა. ამავე საღამოს მოკრძალებულად აღინიშნა ა/ო “პოზიცია”-ს ერთი წლის იუბილე”, – აღნიშნულია “პოზიციის” მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.