საქართველოს კულტურის, სპორტისა და ახალგაზრდობის სამინისტროს მხარდაჭერითა და თბილისის არქიტექტორთა და სკულპტორთა ასოციაციის ორგანიზებით მერაბ ბერძენიშვილის სახელობის კულტურის საერთაშორისო ცენტრში „მუზა“ გაიხსნა ,,ქანდაკების I სტუდენტური სიმპოზიუმისთვის“ შექმნილი ნამუშევრების გამოფენა.
ღონისძიებას კულტურის, სპორტისა და ახალგაზრდობის მინისტრი თეა წულუკიანი, თბილისის აპოლონ ქუთათელაძის სახელობის სახელმწიფო სამხატვრო აკადემიის რექტორი ყარამან ქუთათელაძე, საქართველოს კულტურის ფონდის თავმჯდომარე თამაზ შილაკაძე, თბილისის არქიტექტორთა და სკულპტორთა ასოციაციის თავმჯდომარე ლევან სალუქვაძე და მოქანდაკე, სამხატვრო აკადემიის ქანდაკების ფაკულტეტის პედაგოგი ლევან მუზაშვილი ესწრებოდნენ.
კულტურის ცენტრ „მუზის“ ეზოში წარმოდგენილია თბილისის სახელმწიფო სამხატვრო აკადემიის ქანდაკების სპეციალობის სტუდენტთა მიერ ახლებური ხედვით შექმნილი ექვსი სკულპტურული კომპოზიცია. ღონისძიება დამთვალიერებელს ურბანულ ქანდაკებასთან დაკავშირებული იდეებისა და მხატვრულ-გამომსახველობითი ამოცანების გადაწყვეტის თანამედროვე ტენდენციების გაცნობის საშუალებას მისცემს. სტუდენტები სიმპოზიუმის ფარგლებში გამოცხადებული კონკურსით შეირჩნენ. მათ წინასწარ მომზადებული ესკიზის მიხედვით ორი კვირის განმავლობაში იმუშავეს. სიმპოზიუმის თემა იყო „სკულპტურული ფორმა თანამედროვე ურბანულ კულტურულ სივრცეში“.
სიმპოზიუმის ყველა მონაწილეს სამახსოვრო დიპლომი გადაეცა.
გამოფენა მიმდინარე წლის 23 ივლისამდე გაგრძელდება.
სტუდენტური სიმპოზიუმი „ქანდაკების ფესტივალი 2023”-ის II ეტაპის პირველი ღონისძიებაა. ფესტივალი კულტურის სამინისტროს მიერ გამოცხადებული კონკურსის - ,,კულტურის სექტორში თავისუფალი პროექტების ხელშეწყობა" - გამარჯვებული პროექტია. თბილისის არქიტექტორთა და სკულპტორთა ასოციაციის ორგანიზებით უკვე გაიმართა ცნობილი ქართველი მოქანდაკის, ნიკოლოზ კანდელაკისა და ბავშვთა და მოზარდთა სკულპტურული ნამუშევრების გამოფენა. ამის გარდა, ფესტივალის პროგრამა ითვალისწინებს საგანმანათლებლო-შემეცნებით ლექციებსა და დისკუსიებს. ფესტივალის მიმდინარეობისას ქვეყანას უცხოელი ხელოვანები ესტუმრებიან, რაც ხელს შეუწყობს მჭიდრო შემოქმედებით ურთიერთობასა და ქართული ქანდაკების პოპულარიზაციას.
„ქანდაკების ფესტივალი 2023“ მიმდინარე წლის ოქტომბრის ბოლომდე გაგრძელდება.
ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.