საქართველოს პარლამენტის წევრი "კოალიცია - ქართული ოცნებიდან", ალექსანდრე თამაზაშვილი, თბილისის საკრებულოს დამოუკიდებელი დეპუტატის, ალეკო ელისაშვილს წინააღმდეგ გამოდის. თამაზაშვილი თვლის, რომ ელისაშვილს "მიზანმიმართულად შეცდომაში შეყავს საზოგადოება" და ცილს სწამებს მას, რის გამოც პარლამენტარი აპირებს პროკურატურას მიმართოს.
"ათასი ჭორი ვრცელდებოდა და ვრცელდება პირადად ჩემზე, ყველაზე პასუხის გაცემას აზრი არა აქვს, რადგან იმდენად აბსურდულია. თუმცა გააჩნია ვინ გწამებს ცილს და ცილისწამებათა აბსურდულობა, ვის გადადის სიბრიყვეში. პასუხის გაცემა იმიტომ გადავწყვიტე, რომ საკრებულოს დეპუტატს მიზანმიმართულად შეცდომაში შეყავს საზოგადოება და რომ არა მარტო ჩემთვის, არამედ საზოგადოებისთვისაც გახდა ნათელი, რომ ასეთ "ჭეშმარიტებებს" დეკლარირებს, ვითომ დამოუკიდებელი დეპუტატი, ელისაშვილი. ტელეკომპანია "მაესტროს" ეთერით, ალეკო ელისაშვილმა, მისთვის ჩვეული სიცრუის ტირაჟირება მოახდინა. თითქოს, თორმეტ ოჯახს ვასახლებ სახლიდან და აღნიშნა, რომ ამის დამადასტურებელი მასალა მოეპოვება ფოტოსურათის სახით.
ბატონო ალეკო, თქვენ ხართ ცილისმწამებელი, მატყუარა ადამიანი. სწორედ ასე, მოგიხსენიებთ მანამდე ვიდრე აღნიშნულ ფოტოს არ გამოაქვეყნებთ და ამით არ დაამტკიცებთ თქვენი მონაყოლის სისწორეს.
ასევე ვაპირებ, მივმართო პროკურატურას, გადაცემაში გაჟღერებული ინფორმაციის შესწავლა გამოკვლევის და შემდგომში რეაგირების მიზნით", წერს ალექსანდრე თამაზაშვილი Facebook-ის საკუთარ გვერდზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.