ნინოწმინდის მუნიციპალიტეტის მერის, ანივარდ მოსოიანის ხელმძღვანელობით მრჩეველთა საბჭოს მორიგი შეხვედრა გაიმართა.
შეხვედრაზე დღის წესრიგით გათვალისწინებული შემდეგი საკითხები განიხილეს:
ქალაქის დღესთან დაკავშირებით ინიციატივების შემოთავაზება;
მიმდინარე და დასრულებული ინფრასტრუქტურული პროექტები;
2024 წლისთვის ინიციატივების შემოთავაზება მერიისთვის.
საბჭოს წევრებმა ნინოწმინდის მერს რეკომენდაციები, წინადადებები და მოსაზრებები გააცნეს.
ყურადღება გამახვილდა არსებული პრობლემებისა და საჭიროებების მოგვარებაზე როგორც ქალაქ ნინოწმინდაში, ისე მუნიციპალიტეტის ადმინისტრაციულ ერთეულებში.
როგორც მუნიციპალიტეტის მერმა ანივარდ მოსოიანმა აღნიშნა, მოსახლეობის წინაშე არსებული საჭიროებებიდან გამომდინარე ინფრასტრუქტურული სამუშაოები იგეგმება და ხორციელდება ეტაპობრივად.
სამოქალაქო მრჩეველთა საბჭო, მერთან არსებული სათათბირო ორგანოა, რომელიც საქმიანობს საქართველოს ორგანული კანონის „ადგილობრივი თვითმმართველობის კოდექსით“ დადგენილი წესით.
დებულების თანახმად საბჭო მინიმუმ სამ თვეში ერთხელ იკრიბება.
საბჭო 10 წევრისგან შედგება, ესენია: ბიზნესმენები, არასამთავრობო ორგანიზაციის წარმომადგენლები, ფერმერები, სამუსიკო, ბაგა -ბაღების, საჯარო სკოლის დირექტორები და მედიის წარმომადგენლები.
შეხვედრას კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის უფროსი ლევონ ვარდანიანი ესწრებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.