ახალქალაქის მუნიციპალიტეტის მერი მელქონ მაკარიანი, მოადგილე თეიმურაზ მჭედლიძესთან ერთად მარტუნის ადმინისტრაციულ ერთეულში იმყოფებოდა და მიმდინარე ინფრასტრუქტურული სამუშაოები დაათვალიერა.
სოფელ მარტუნამდე მისასვლელ გზაზე, მდინარე ფარავნის გადაკვეთაზე, სამანქანე ხიდის მოწყობის სამუშაოები გრძელდება.
მერის თქმით, აღნიშნული ხიდი სოფლის მოსახლეობის გადაადგილებისთვის მნიშვნელოვანია და ფუნქციურად დიდი დატვირთვა აქვს.
ინფრასტრუქტურული პროექტისთვის თანხა ადგილობრივი ბიუჯეტიდან გამოიყო. მიმდინარე პროექტის სახელშეკრულებო ღირებულება 708 925 ლარს შეადგენს. სამუშაოებს კომპანია შპს "საგზაო სამშენებლო სამმართველო N2 ავთანდილ კაჭკაჭიშვილი" აწარმოებს.
მშენებლობა ხელშეკრულებით დადგენილ ვადებში დასრულდება, რის შემდეგაც, სოფლის მოსახლეობა მდინარე ფარავანზე უსაფრთხო გადაადგილებას შეძლებს.
მერი, მარტუნში მცხოვრებ მოსახლეობასაც შეხვდა, მოქალაქეების საჭიროებების შესახებ ინფორმაცია მოისმინა და საკითხების დროულად მოსაგვარებლად შესაბამისი რეკომენდაციები გასცა.
ინფორმაციას ახალქალაქის მუნიციპალიტეტის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.