81 წლის ასაკში გამოჩენილი ქართველი მსახიობი, საქართველოს სახალხო არტისტი გოგი ხარაბაძე გარდაიცვალა.
„რუსთაველის ეროვნული თეატრისთვის უდიდესი ტკივილია საქართველოს სახალხო არტისტის გოგი ხარაბაძის გარდაცვალება!“ - ნათქვამია რუსთაველის ეროვნული თეატრის „ფეისბუქის“ გვერდზე.
გოგი ხარაბაძე 1942 წლის 12 ივლისს დაიბადა. 1963 წელს დაამთავრა თბილისის თეატრალური ინსტიტუტის სამსახიობო ფაკულტეტი.
1963-1994 წლებში იყო რუსთაველის თეატრის მსახიობი. სპექტაკლებში შესრულებული აქვს როლები: ჯარისკაცი („ყვარყვარე თუთაბერი“ 1959), დათო (ვ. როზოვის “ვახშმობის წინ”), ოთარი (რ. სტურუას, გ. ქავთარაძის “ბრალდება”), ღვთისო (ვაჟა-ფშაველას “მოკვეთილი”), დიტო (ო. იოსელიანის “სანამ ურემი გადატრიალდება”), ჯიბო (შ. დადიანის “გუშინდელნი”), ტარასი ხაზარაძე (კ. ლორთქიფანიძის “კოლხეთის ცისკარი”), ავტორი (ი. ჭავჭავაძის “ჩემო კალამო”), დიდებული (“ჰამლეტი” 1960), ავთო (“მზიანი ღამე” 1966), ტარიელი (“ვეფხისტყაოსანი” 1966), ოიდიპოსი (“ოიდიპოს მეფე” 1976), ჯორჯ კლარენსი (“რიჩარდ მესამე” 1979) და სხვ. განსახიერებული აქვს კინოროლები: ოთარი (“გიორგობისთვე” 1966), კაზა ჩხეტია (“დათა თუთაშხია” 1978), ნოდარი (“ჩემი მეგობარი ნოდარი” 1967), ჰერცოგი (“დონ კიხოტი” 1989), თენგიზი (“გასერინება ყარაბაღში” 2005) მერაბ სეთურიძე “რაიკომის მდივანი”), მირიან ტაბიძე (“გამოცხადება”) და სხვ. გადაღებულია ვიდეოფილმებში: “ირინეს ბედნიერება” (აბესალო, 1974), “ოთარაანთ ქვრივი” (გიორგი და სოსია, 1978), “სატელევიზიო ოთხთავი” (1996) და სხვ. შექმნილი აქვს ტელეთეატრის ციკლი: პოეზიის 30 წუთი (1974), “ბედი ქართლისა” (1975), აკაკი წერეთლის მონოლოგი (1979), ვაჟა-ფშაველას ნაანდერძევი (1983) და სხვ. ფირფიტაზე ჩაწერილი აქვს “ვეფხისტყაოსანი” (1986), “გალობანი სინანულისანი” (1989). გამოქვეყნებული აქვს წიგნი “თქვენ მომაგონდით” (1989).
გოგი ხარაბაძეს მიღებული აქვს შემდეგი ჯილდოები: 2017 – ხელოვნების ქურუმი, ხელოვნებაში შეტანილი განსაკუთრებული წვლილისთვის; 2012 – პრემია “საგურამო”; 1987 – დავით კლდიაშვილის სახელობის პრემია; 1986 – საქართველოს სახალხო არტისტი; 1976 – შოთა რუსთაველის სახელობის სახელმწიფო პრემია; 1976 – საქართველოს დამსახურებული არტისტი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.