საერთაშორისო სავალუტო ფონდის პროგნოზების მიხედვით, 2017 წელს საქართველოს ეკონომიკის 6%-იანი ზრდა ექნება. ამის შესახებ ეკონომიკის მინისტრმა დიმიტრი ქუმსიშვილმა განაცხადა.

რაც შეეხება მომავალ წელს, მინისტრის თქმით, 2016 წელს ბიუჯეტში 3%-იანი ზრდა არის ჩადებული. ქუმსიშვილის განცხადებით, საერთაშორისო-საფინანსო ორგანიზაციების მხრიდან გაკეთებულ პროგნოზებშიც ანალოგიური მაჩვენებელია დაფიქსირებული.

"ჩვენ ბოლოს 2-2,5 პროცენტზე გვქონდა დაანგარიშებული ზრდა ჩვენი მაჩვენებლებით, თუმცა წლის ბოლოსთვის 2,8-3%-იან ზრდას ველოდებით, რაც იმას ნიშნავს, რომ ქვეყნის ეკონომიკა ჯანსაღია. იქმნება ახალი სამუშაო ადგილები. ეს ყველაფერი აუცილებლად აისახება ჩვენს მოქალაქეებზე", - განაცხადა დიმიტრი ქუმსიშვილმა.