სომხეთში, რეფერენდუმში მონაწილეთა უმრავლესობამ საპარლამენტო მმართველობაზე გადასვლას დაუჭირა მხარი. ამ საკითხთან დაკავშირებით, რეფერენდუმი სომხეთში გუშინ ჩატარდა.
სომხეთის ცენტრალური საარჩევნო კომისიის პირველადი მონაცემებით, კონსტიტუციურ ცვლილებას არჩევნებში მონაწილეთა 63,35%-მა დაუჭირა მხარი, წინააღმდეგი იყო 32,35%.
რეფერენდუმის ოფიციალური შედეგები 13 დეკემბერს გამოქვეყნდება.
სომხეთის პარლამენტმა მიმდინარე წლის ოქტომბერში საკონსტიტუციო რეფორმების ის პაკეტი დაამტკიცა, რომელიც ქვეყნის საპარლამენტო სისტემაზე ფაქტობრივ გადასვლას გულისხმობს.
საკონსტიტუციო რეფორმების თანახმად, სომხეთის პრეზიდენტს 5-ის ნაცვლად 7 წლით, დეპუტატები და ადგილობრივი თვითმმართველობის ორგანოების წარმომადგენლები აირჩევენ. პრეზიდენტი არ უნდა იყოს რომელიმე პარტიის წევრი და მას, პოსტის დაკავება მხოლოდ ერთხელ შეუძლია. პრეზიდენტს ასევე, უფლებამოსილება ეძლევა პრემიერ-მინისტრობის კანდიდატი წარადგინოს.
ხელისუფლების აღმასრულებელი ორგანო მთავრობა იქნება, რომელიც შეიმუშავებს და გაატარებს შიდა და საგარეო პოლიტიკას. სომხეთის შეიარაღებული ძალები ასევე მთავრობის დაქვემდებარებაში გადავა, ქვეყნის მთავარსარდალი კი, ომის დროს პრემიერ-მინისტრი იქნება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.