პარლამენტის თავმჯდომარე, დავით უსუფაშვილი მიიჩნევს, რომ პატიმრების შეწყალების უფლება მხოლოდ პრეზიდენტს უნდა ჰქონდეს და პატრიარქისთვის ამ უფლებამოსილების მინიჭება გაუმართლებელია.

როგორც ჟურნალისტებთან შეხვედრის დროს, უსუფაშვილმა განაცხადა, უწმინდესის ნათქვამის შემდეგ პოლიტიკოსებს მყისიერი და გაუაზრებელი რეაქციები ჰქონდათ.

„აქ ნამდვილად იყო მყისიერი და ემოციური რეაქციები, ვიდრე - კარგად გააზრებული. დარწმუნებული ვარ ამ ორი-სამი დღის განმავლობაში ყველას ჰქონდა საშაულება გაეზარებინა ყველაფერი და მივსულიყავით დასკვნამდე, რომ როდესაც საუბარია მართლმსაჯულების სისტემის მიერ სასჯელდადებულ პირზე, მისი შეწყალების უფლება უნდა ჰქონდეს სახელმწიფოს მეთაურს. ეს ასეა საქართველოში და ნებისმიერ დემოკრატიულ სახელმწიფოში. თეორიული მსჯელობაც კი, რომ პატრიარქს ჰქონდეს შეწყალების უფლება, გაუმართლებელი იქნება არა მხოლოდ სახელმწიფოებრივი, არამედ რელიგიური თვალსაზრისით. პატრიარქის იმ მდგომარეობაში ჩაყენება, რომ მან ვინმე ან უნდა და სხვა არ შეიწყალოს, ეს რელიგიური გადმოსახედიდან, არასწორი ქმედებაა. ჩვენ ვიხილეთ დემონსტირება იმისა, რომ ზედმეტი არაფერი არ ვარგა, მათ შორის სიყვარული. პატრიარქისადმი მოწიწება ძალიან დიდია საზოგადოებაში, ეს ძალიან კარგია. ჩვენ გვაკლია ერთმანეთის პატივისცემა და იმდენად გვაკლია ეს, რომ ვისაც პატივს ვცემთ, მის ნათქვამზე ცოტა ემოციები გვეუფლება ხოლმე. პოლიტიკოსებიც ადამიანები ვართ და ამიტომ მიუტევოთ ყველას, ვისაც არც თუ ბოლომდე გააზრებული რეაქცია ჰქონდა“, - განაცხადა უსუფაშვილმა.