"ლეიბორისტული პარტიის" ზოგიერთმა რაიონულმა ორგანიზაციამ თვითლიკვიდაცია გამოაცხადა და "მემარცხენე ალიანსს" შეუერთდა, - ამის შესახებ განცხადება "მემარცხენე ალიანსის" თავმჯდომარემ კახა ძაგანიამ დღეს გამართულ ბრიფინგზე გააკეთა, სადაც მან პარტიის ახალი წევრები საზოგადოებას წარუდგინა.
"მას შემდეგ რაც "ნაციონალური მოძრაობის" რეიტინგმა კრახი განიცადა, პარტიის ლიდერებმა გაააქტიურეს ფარული რესურსები შავი ფინანსების, ნაყიდი მედიის და სატელიტი პოლიტიკოსების სახით. სააკაშვილის ნაძარცვი ქონების დასაცავად "თავისუფალმა ზონამ" ხაბაზთან და ნათელაშვილთან ერთად აქცია-მიტინგების ორგანიზება გააკეთა, რითაც მათი ლუსტრირება მოხდა.
დღეს ჩვენ პარტიას უერთდებიან ჩვენი ძველი თანამებრძოლები და ღირსეული ადამიანები, რომლებმაც დატოვეს "ნაცების" სატელიტი ნათელაშვილი და "ლეიბორისტული" პარტიის რაიონული ორგანიზაციების ლიკვიდაცია გამოაცხადეს", - განაცხადა კახა ძაგანიამ.
"მემარცხენე ალიანსის" თავმჯდომარემ საზოგადოებას პარტიის ახალი წევრები წარუდგინა.
"გოჩა ცაგურია - მარტვილის რაიონის "ლეიბორისტული" პარტიის ყოფილი კოორდინატორია, რომელიც ინიშნება "მემარცხენე ალიანსის" კოორდინატორად მარტვილის რაიონში; მაკა ხარებავა - მარტვილის "ლეიბორისტული" პარტიის რაიონული ორგანიზაციის ერთ-ერთი დამფუძნებელია, ის ასევე იყო სერტიფიცირებული საოლქო და საუბნო კომისიის წევრი სხვადასხვა წლებში; შალვა გოდორაძე - "ლეიბორისტული" პარტიის ახალქალაქის რაიონული ორგანიზაციის ყოფილი კოორდინატორია, რომელიც დაინიშნა "მემარცხენე ალიანსის" კოორდინატორად ახალქალაქში და ალექსანდრე მჭედლიშვილი - "ლეიბორისტული" პარტიის ბორჯომის რაიონული ორგანიზაციის ერთ-ერთი დამფუძნებელია.
აღსანიშნავია, რომ ყოველდღიურად იზრდება "მემარცხენე ალიანსის" წევრთა რიგები. უპარტიო მოქალაქეების გარდა პარტიაში აქტიურად წევრიანდებიან საზოგადოებისა და პოლიტიკური წრეების სხვადასხვა წარმომადგენლები. ეს ის ადამიანები არიან, რომლებიც თავდაუზოგავად ებრძვიან დამნაშავე "ნაციონალურ მოძრაობას" და სურვილი აქვთ თანამოაზრეებთან ერთად კვლავ გააგრძელონ ქვეყნის მშენებლობაში მაღალი მოქალაქეობრივი პასუხისმგებლობით მონაწილეობა", - აღნიშნა პარტიის თავმჯდომარემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.