ჟენევის ფორმატში მოლაპარაკებების დაწყებამდე, რუსეთის საგარეო საქმეთა მინისტრის მოადგილემ გააკეთა ასეთი შინაარსის განცხადება, გ.კარასინი:"მთავარი საკითხია საქართველოს ხელისუფლების ზოგიერთი წარმომადგენლის მხრიდან მკაფიო ანტირუსული რიტორიკა. ს,პირველ რიგში, ეს ეხება თავდაცვის მინისტრს თინა ხიდაშელს, რომელმაც განაცხადა, რომ რუსებისთვის სანქციები სულერთია, რადგან ეს ხალხი მიჩვეულია 900 დღე ძაღლების და კატების ჭამას. იგულისხმება ლენინგრადის ბლოკადა. ეს უკვე აღემატება ყველა ზღვარს".
"რესპუბლიკელი" ხიდაშელის ამდაგვარი რიტორიკა არახალია, მეტიც, "თავის მოსაწონებლად" იგი ქვეყნის გარეთ, ასეთი სახის "თამამ მესიჯებს" ხშირად აგზავნის. სხვათაშორის, არც თავდაცვის ყოფილი მინისტრი, "თავისუფალი დემოკრატი" ალასანია აკლებდა ხელს, რუსეთისადმი მიმართულ "გამბედავ გზავნილებს", – ი.ალასანია: "როდესაც რუსეთი დაინახავს, რომ ერთი ადგილი გიკანკალებს, მთელ მის საგარეო პოლიტიკურ ინფრასტრუქტურას, სწორედ იმ ადგილის გასახევად მომართავს". – "ჩვენ გვინდა რუსეთი კუთხეში დავაყენოთ, სადაც მათ არანაირი საბაბი არ ექნებათ პოლიტიკურად აგრესიულად ან საერთაშორისო მასშტაბებით დაგვესხან თავს”, ეს არის ჩვენი პოლიტიკა რუსეთთან მიმართებაში”. – როგორი "ვაჟკაცური" განცხადებებია, როგორც ყოფილი ისე მოქმედი თავდაცვის მინისტრების მხრიდან ("ნაცმოძრაობის" და მათი ბელადის რიტორიკამ, რაც მოგვიტანა კარგად უწყით, ამიტომ აღარ შეგაწყენთ თავს მისი შეხსენებით)!?
რა არის იცით, საქმე ის გახლავთ, რომ ამდაგვარი პოლიტიკური რიტორიკა ეწინააღმდეგება კოალიცია "ქართული ოცნების" მიერ დეკლარირებულ სტრატეგიას და ტაქტიკას რუსეთთან მიმართებაში. დიახ, 2012 წლის ნოემბერში, ყოფილმა პრემიერ–მინისტრმა ბიძინა ივანიშვილმა, ზურაბ აბაშიძე დანიშნა თავის სპეციალურ წარმომადგენლად რუსეთთან ურთიერთობების საკითხებში, რის შედეგადაც საფუძველი ჩაეყარა აბაშიძე–კარასინის (რუსეთის წარმომადგენელი) ფორმატს, რამაც განაპირობა მთელი რიგი პრობლემების მოგვარება ორ ქვეყანას შორის: სავაჭრო–ეკონომიკურ, აგრარულ–სატრანსპორტო, ჰუმანიტარულ–კულტურულ სფეროებში. ამავდროულად, ამ ფორმატმა შესაძლებელი გახადა დაძაბული ატმოსფეროს განმუხტვა, თანაც იმ პირობებში, როცა გაწყვეტილია დიპლომატიური ურთიერთობები თბილისსა და მოსკოვს შორის. აი, ყოველივე ამის ფონზე, როდესაც აბაშიძე–კარასინის ფორმატი გარკვეული პოზიტიური დინამიკით ვითარდება და თავის მხრივ დადებით პოლიტიკურ კლიმატს ქმნის იმისთვის, რომ რუსულ–ქართული სამხედრო–პოლიტიკური წინააღმდეგობების ("წითელი ხაზები":ოკუპაცია, "აღიარებები" და სხვა) განხილვა დაიწყოს დიალოგის რეჟიმში უმაღლეს დონეზე, რამდენად მართებულად და გონიერად გეჩვენებათ ის რიტორიკა, რომელსაც მიმართავენ "ქართული ოცნების" ხელისუფლების წარმომადგენლები, იმავე ხიდაშელის სახით?!
განა ეჭვს იწვევს ის ფაქტი, რომ აბაშიძის პრაგმატულ რიტორიკას და ძალისხმევას, მისი ფორმატის ფარგლებში, მიმართულს რუსეთთან ურთიერთობის დარეგულირებისაკენ, აქარწყლებს ხიდაშელის აგრესიული რიტორიკა?! რაშია საქმე, ნუთუ ცხადი არ არის ის, რომ ასეთი რიტორიკა რუსეთთან ურთიერთობის დალაგებას კი არა, რუსეთთან ახალ დაპირისპირებას შეუწყობს ხელს, რომლის საბაბს თუ მიზეზს, სწორედ ხიდაშელისეული "სტრატეგიის" მქონე პოლიტიკოსების მეშვეობით რუსეთი ადვილად გამონახავს! ამიტომ მიმაჩნია, რომ პრემიერ–მინისტრმა ირაკლი ღარიბაშვილმა უნდა მკაფიოდ ჩამოაყალიბოს ისეთი პოლიტიკური რიტორიკა და მოქმედების სტრატეგია, რომელიც შეეხება აღნიშნულ საკითხებს და თანაბრად მკაცრად მოსთხოვოს მთავრობის ყველა წევრს, რათა მათ ყოველგვარი იმპროვიზაციების და გადახვევების გარეშე, განუხრელად და ზედმიწევნით დაიცვან ხელისუფლების მიერ შემუშავებული მთავარი ხაზი, რაც საბოლოოდ, საქართველოს ტერიტორიული მთლიანობის აღდგენამდე მიგვიყვანს!!!...
ჯუმბერ კირვალიძე,
პოლიტოლოგი
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.