მსოფლიოს უდიდესი სოციალური ქსელი Facebook-ი რამდენიმე თვეში ბიზნესვერსიის – Facebook at Work-ის ამუშავებას აპირებს. ამის შესახებ სააგენტო „როიტერსი“ იუწყება.


ახალი სერვისი ბევრ რამეში დღეს პოპულარული სოციალური ქსელის მსგავსი იქნება. მასში, „ძველი“ Facebook-ის მსგავსად, იქნება ახალი ამბები, „ლაიქები“ და „ჩატები“. კომპანიის წარმომადგენელთა თქმით, ის 95%-ით დღეს მოქმედი ფეისბუქის მსგავსი იქნება.


ამასთანავე, არის გარკვეული განსხვავებაც. მაგალითად, Facebook at Work-ის მომხმარებელი სამსახურში Candy Crush-ს და სხვა თამაშებს ვერ ითამაშებს. ასევე ვრცელდება ინფორმაცია, რომ კომპანია ბიზნეს-ვერსიისთვის სპეციალური დამცავი საშუალებების დანერგვას აპირებს.

Facebook -ის ახალი ვერსია კომპანიებისთვის მის ამოქედებისთანავე იქნება ხელმისაწვდომი და მასში გაწევრიანებულ მომხმარებელს, "პრემიუმ" მომსახურებისთვის, ისეთის როგორიცაა ანალიტიკა და კლიენტის მხარდაჭერა, ყოველთვიურად რამდენიმე დოლარი ექნება გადასახდელი.