ინდოეთმა მისი სავალალო მდგომარეობაში მყოფი სარკინიგზო სისტემის ტრანსფორმირების მიზნით მიიღო გადაწყვეტილება იაპონიისგან ჩქაროსნული მატარებელი, ე.წ. Bullet train -ი შეისყიდოს. ამის შესახებ BBC წერს.
ინდოეთის პრემიერ მინისტრის ნარენდა მოდის თქმით, მატარებელი მუმბაი-აჰმედაბადის რეისს შეასრულებს და დღემდე მგზავრობისთვის საჭირო 8-საათიან დროს, 2-მდე შეამცირებს.
აღნიშნული შეთანხმება ერთ-ერთია იმ მრავალთაგან, რასაც მხარეებმა დელიში მიაღწიეს. აზიის სიდიდით მე-2 და მე-3 ეკონომიკების ლიდერებმა მოლაპარაკებების დასრულების შემდეგ თანამშრომლობის სხვა სფეროებიც დაასახელეს. ეს მოიცავს თავდაცვის ტექნოლოგიებზე ერთობლივ მუშაობას და ასევე შეთანხმების მიღწევას ურთიერთგაგების მემორანდუმის სახით, რაც ბირთვული ენერგიის სამშვიდობო მიზნებით გამოყენებას ითვალისწინებს.
მოელიან, რომ ეს უკანასკნელი შეთანხმება ნებას დართავს იაპონიას მოახდინოს ბირთვული ქარხნის ტექნოლოგიების ინდოეთში ექსპორტი.
გასულ კვირას მოდის კაბინეტმა იაპონურ ჩქაროსნულ მატარებელზე მორგებული სისტემის შესაქმნელად 14.7 მილიარდი აშშ დოლარის საჭიროების შესახებ ამცნო საზოგადოებას.
იაპონიასთან შეთანხმება ქვეყნის პრემიერ მინისტრის შინზო აბის ინდოეთში სამ-დღიანი ვიზიტის დროს შედგა.
ორივე ქვეყანას, იაპონიასაც და ინდოეთსაც ტერიტორიული დავა აქვს ჩინეთთან და მათი ახალი შეთანხმებები შესაძლოა განხილული იყოს როგორც რეაქცია, რეგიონში ჩინეთის მზარდი გავლენის წინააღმდეგ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.