შეერთებული შტატები და რუსეთი აცხადებენ, რომ მსოფლიო სახელმწიფოების წარმომადგენლები ნიუ იორკში პარასკევს გაეროს შტაბ-ბინაში შეიკრიბებიან, რათა სირიის სამშვიდობო პროცესთან დაკავშირებით რეზოლუცია მიიღონ.
შეერთებული შტატების სახელმწიფო მდივანი ჯონ ქერი მოსკოვში გუშინ ჩავიდა და პრეზიდენტ ვლადიმერ პუტინს და საგარეო საქმეთა მინისტრს, სერგეი ლავროვს შეხვდა. იგი რუსეთთან მოლაპარაკებების გზით ცდილობს მოახდინოს იმ ნაპრალის ამოვსება, რაც სირიის კონფლიქტის პოლიტიკური გზით გადაწყვეტას უკავშირდება.
ქერიმ ვლადიმერ პუტინს უთხრა, რომ ორ ქვეყანას "გააჩნია იმის შესაძლებლობა, რომ მნიშვნელოვანი გარღვევა მოახდინოს".
ლავროვმა განაცხადა, რომ ორივე მხარე განაგრძობს მუშაობას სადავო საკითხებზე. ქერიმ აღნიშნა, რომ მიაღწიეს გარკვეული კუთხით შეთანხმებას, მაგალითად, ისეთ საკითხზე, როგორიცაა ტერორისტული ჯგუფები.
პარასკევს გაეროს რეზოლუცია ხელახლა დაადასტურებს გასულ თვეს ვენაში მიღწეულ შეთანხმებას, სამშვიდობო პროცესის პრინციპებთან დაკავშირებით, განაცხადა ლავროვმა.
როგორც BBC წერს, ამერიკა და რუსეთი დიდი ხანია რაც კონფლიქტის მოგვარების პროცესში სირიის პრეზიდენტის, ბაშარ ალ-ასადის როლზე ვერ თანხმდება. შეერთებულ შტატებს სურს, რომ ასადი პოსტიდან წავიდეს, რუსეთი კი ამბობს, რომ მხოლოდ სირიელ ხალხს შეუძლია გადაწყვიტოს მისი ბედი.
მოლაპარაკებების წინ, რუსეთის საგარეო საქმეთა სამინისტრო შეერთებული შტატების პოლიტიკას თავს დაესხა და ვაშინგტონი "ტერორისტების კარგებად და ცუდებად დაყოფაში" დაადანაშაულა.
რუსეთი სირიაში საჰაერო დარტყმებს ახორციელებს. როგორც ის აცხადებს, სამიზნე "ისლამური სახელმწიფოს" პოზიციებია, მაგრამ შეერთებული შტატები ბრალს სდებს რუსეთს, რომ ის ამბოხებულებს ბომბავს, რათა მის მოკავშირე ასადს გადარჩენის მიზნით ბოძი შეუდგას. მოსკოვი ამ ბრალდებებს უარყოფს.
ამერიკის ლიდერობით შქმნილი კოალიცია სირიაში "ისლამური სახელმწიფოს" შეიარაღებულ ძალებს 2014 წლის სექტემბრიდან ებრძვის და რეიდებს ოფიციალურ დამასკოსთან კოორდინაციის გარეშე ახორციელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.