რუსეთმა, მიუხედავად იმისა, რომ მას საჯაროდ ასადისადმი მხარდაჭერა აქვს გამოცხადებული და მისი ბედის სირიის ხალხის მიერ გადაწყვეტის მომხრეა,  დასავლეთის ლიდერებთან მკაფიოდ განაცხადა, რომ იგი არ გამოხატავს პროტესტს,  სამშვიდობო პროცესის ფარგლებში ბაშარ ალ-ასადმა თანამდებობა დატოვოს. ამის შესახებ სააგენტო "როიტერსი" დასავლელ დიპლომატებზე დაყრდნობით წერს.


დასავლეთის ქვეყნები, თურქეთი, საუდის არაბეთი და ასევე სხვები უხალისოდ დათანხმდნენ იმაზე, რომ ხელისუფლების გადაცემის გარდამავალ პერიოდში ასადი თანამდებობაზე დარჩეს, კომპრომისი, რომელმაც გახსნა კარები ცვლილებებისთვის რუსეთის სასარგებლოდ, აცხადებენ დასავლელი დიპლომატები.


"რასაც შენ იღებ, ეს არის ნაბიჯი, რომელიც ასადის წასვლით დასრულდება", განუცხადა "როიტერსს" დასავლელმა დიპლომატმა, ანონიმურობის შენარჩუნების პირობით და დაამატა, რომ ამაზე რუსები თანახმა არიან, თუმცა "ისინი ჯერ არ არიან მზად ეს საჯაროდ განაცხადონ".  


ამ დიპლომატის ნათქვამი, დასავლეთის რამდენიმე სხვა ოფიციალურმა პირმა დაადასტურა.


აშშ, რუსეთი ირანთან ერთად, საუდის არაბეთი, და ევროპული და არაბული სამყაროს უმეტესი ხელისუფლება, სირიის მთავრობასთან და ოპოზიციასთან ექვსთვიანი მოლაპარაკებების შემდეგ შეთანხმდა საგზაო რუკის მიღების თაობაზე, რომელიც სირიაში ცეცხლის შეწყვეტის, იანვარში ერთობლივი მთავრობის ჩამოყალიბების პროცესის დაწყებისა და 18 თვის განმავლობაში არჩევენების ჩატარების საწინდარი უნდა გახდეს.   


დღეს ნიუ იორკში გაეროს შტაბ-ბინაში აშშ-ს სახელმწიფო მდივანი ჯონ ქერი, რუსეთის საგარეო საქმეთა მინისტრი სერგეი ლავროვი და სხვა სახელმწიფოთა მინისტრები შეეცდებიან ახალ შეთანხმებას მიაღწიონ.


აშშ და ევროპელი ლიდერები აცხადებენ, რომ ასადს არ შეეძლება არც ერთ შემდგომ არჩევნებში მონაწილეობის უფლება, როგორც ამას ვენაში ორ წინა მინისტერიალზე მიღებული შეთანხმება ითვალისწინებს.