სრულიად საქართველოს კათოლიკოს-პატრიარქმა, უწმიდნესმა და უნეტარესმა ილია მეორემ საკვირაო წირვის შემდეგ მრევლს ქადაგებისას ლოცვის შესახებ ესაუბრა.
"ხშირ შემთხვევაში ადამიანი ითხოვს ღვთისგან დახმარებას. ეს ბუნებრივია, გასაგებია, რადგან ყოველი ადამიანი გაჭირვებულია ამა თუ იმ საქმეში, მაგრამ ამავე დროს, ჩვენ უნდა ვიცოდეთ, რომ უპირველეს ყოვლისა, ადამიანმა უფალს დიდება უნდა შესწიროს, ადიდოს, შემდეგ კი მადლობა შესწიროს. დიდებას და მადლობას რომ შესწირავთ, შეგიძლიათ სთხოვოთ და უფალი შეისმენს. სახარებაში უფალი ამბობს: ითხოვდეთ და მოგეცეთ თქვენ, ეძიებდეთ და ჰპოვოთ, ირეკდით და განგეღოთ თქვენ", - ბრძანა უწმინდესმა.
პატრიარქმა ამის დასტურად დღეს წაკითხული სახარება დაიმოწმა მაცხოვრის მიერ ათი კეთროვანი ადამიანის განკურნების შესახებ, რომლის თანახმადაც, განკურნებულთაგან მადლობა ღმერთს მხოლოდ ერთმა - სამარიტელმა გადაუხადა.
ილია მეორის თქმით, ადამიანი ხშირად ფიქრობს მხოლოდ თავის თავზე იმ დროს, როდესაც გარშემო მას ახვევია უამრავი გაჭირვებული, მძიმე ავადმყოფი.
პატრიარქმა დღევანდელი ქადაგების შემდეგ ჯალაბაძეების გვარი დალოცა. უწმინდესმა მღვდელი დავით აფციაური დეკანოზის ხარისხში აიყვანა და ოქროს ჯვრით დააჯილდოვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.