საქართველოს პრემიერ-მინისტრი, ირაკლი ღარიბაშვილი მთავრობის სამწლიანი მუშაობის შედეგებს აცნობს საზოგადოებას. ღონისძიება ამ წუთებში საკრებულოში მიმდინარეობს. ღარიბაშვილის განცხადებით, „ქართულმა ოცნებამ“ ავტორიტარული მმართველობა დაასრულა საქართველოში.

„სამი წელი გავიდა, რაც „ქართულმა ოცნებამ“ გაიმარჯვა არჩევნებში და მოვიდა ხელისუფლებაში. მოდი, ერთად გადავხედოთ, თუ რა გაკეთდა ამ სამი წლის განმავლობაში. ჩვენ ერთად გადავწყვიტეთ დაგვესრულებინა ავტორიტარული მმართველობა, ავირჩიეთ განვითარების არსებითად ახალი გეზი, თანამედროვე ევროპული ტიპის სახელმწიფოს მშენებლობა, კანონის უზენაესობის, თითოეული მოქალაქის კეთილდღეობის, მშვიოდობის, ადამიანის უფლებათა დსაცულობის, ყველასთვის თანასწორი ქვეყნის შენება. ანუ ისეთი საქართველო, რომელიც ხორცსშეასხამდა ჩვენი წინაპრების მისწრაფებას - ვყოფილიყავით ერთიანი, ძლიერი განვითარებული ქვეყანა, მსოფლიო ქვეყანათა შორის თვითმყოფადი და გამორჩეული წევრი. აი, ამ მანდატით მოვედით ხელისუფლებაში და მას შემდეგ თავდაუზოგავად ვშრომობთ იმისთვის, რომ ვიყოთ ხელისუფლება, რომელსაც ჩვენი ხალხი იმსახურებს. დღეს, ჩვენი შრომის პირველი ისტორიული შედეგი სახეზეა - ევროპა უმაღლეს შეფასებას აძლევს ჩვენს წარმატებებს და ფართოდ გვიხსნის საზღვრებს“ - აღნიშნა ღარიბაშვილმა.

პრემიერის მიერ სამწლიანი მუშაობის შედეგების წარდგენას აღმასრულებელი და საკანონმდებლო ხელისუფლების წარმომადგენლები, ასევე დიპლომატიური კორპუსისა და არასამათავრობო სექტორის წარმომადგენლები ესწრებიან.