უახლოეს დღეებში გახდება ცნობილი, სად გადავა სამუშაოდ ეკონომიკისა და მდგრადი განვითარების სამინისტრო. მინისტრმა ქუმსიშვილმა ჟურნალისტებს განუცხადა, რომ ინვესტორთან მიღწეული შეთანხმების საფუძველზე, უწყება სულ მცირე 3 თვე კიდევ დარჩება შენობაში.
"ამ წუთში 2 ალტერნატივა გვაქვს და უახლოეს დღეებში მოგვიწევს ჩამოყალიბება", განაცხადა ქუმსიშვილმა.
თბილისში, ჭანტურიას ქუჩა 12-ში მდებარე საქართველოს ეკონომიკისა და მდგრადი განვითარების სამინისტროს შენობა მიმდინარე წლის ივნისში აუქციონზე 9 450 000 აშშ დოლარად გაიყიდა. შენობა "ჰუალინგ ჯგუფმა" შეიძინა. საინვესტიციო ვალდებულებების თანახმად ჩინურმა ჯგუფმა აღნიშნულ შენობაში სამი წლის ვადაში არანაკლებ 100-ნომრიანი სასტუმრო უნდა მოაწყოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.