არ მინდა ვიფიქრო, რომ მთელი ეს ბინძური კამპანია პრეზიდენტის რეზიდენციაში იგეგმება, - ამის შესახებ პარლამენტის ვიცე-სპიკერმა, მანანა კობახიძემ „შეწყალების საქმის“ სკანდალთან დაკავშირებით „პრაიმ ტაიმთან" განაცხადა.
„თუკი პრეზიდენტს ჰქონდა ინფორმაცია მის დაქვემდებარებაში მყოფი პირებისგან (შეწყალების კომისიის ყოფილი და მოქმედი თავმჯდომარეები), რომ მაღალი პოლიტიკური თანამდებობის პირები, კერძოდ, დეპუტატები ჯგუფურად იყვნენ გარეულნი კორუფციულ დანაშაულში, მათ შორის, მე, რომელსაც ხშირად პარლამენტის თავმჯდომარის მოვალეობის შესრულებაც მიწევს, თუ ეს ინფორმაცია ჰქონდა, რატომ დუმდა ამდენ ხანს და როგორც მინიმუმ, განცხადება მაინც არ გააკეთა?! მით უმეტეს, პრეზიდენტს ჰქონდა უფლება, ამ სახელმწიფო მნიშვნელობის საკითხებზე უშიშროების საბჭოს საგანგებო სხდომაც კი მოეწვია. გიორგი მარგველაშვილი, რომელიც ხშირად უმნიშვნელო და არააქტუალურ თემებზეც კი სპეციალურ ბრიფინგებს მართავს, რატომ დუმდა მთელი ამ ხნის განმავლობაში? მაღალი თანამდებობის პირების მიერ ჩადენილი კორუფციული დანაშაული პირდაპირ დაკავშირებულია ქვეყნის სტაბილურობასთან და პრეზიდენტის პირდაპირი მოვალეობა იყო, დაუყოვნებლივ მოეხდინა რეაგირება. რატომ არ ამოიღო ხმა? გამოვიდეს და დააფიქსიროს საკუთარი პოზიცია. არ მინდა ვიფიქრო, რომ მთელი ეს ბინძური კამპანია პრეზიდენტის რეზიდენციაში იგეგმება,“ - განაცხადა მანანა კობახიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.