„იუსტიციის საბჭოში, ჩემს მიერ დანიშნულმა ადამიანმა დატოვა საბჭოს სხდომა და არ მისცა ხმა მურუსიძეს“ - განცხადება ამის შესახებ საქართველოს პრეზიდენტმა, გიორგი მარგველაშვილმა ტელეკომპანია „იმედის“ პირდაპირ ეთერში, გადაცემა „ქრონიკის სტუდიაში“ გააკეთა.
„2015 წელი მე ქალთა წლად გამოვაცხადე და ბუნებრივია, წელი უნდა შეჯამებულიყო მნიშვნელოვანი ქმედებებით, თუნდაც დაჯილდოვებით. დავაჯილდოვე ირინა ენუქიძე, მარო მაყაშვილი და კიდევ იქნება დაჯილდოვება. ეს იყო მცდელობა განსაკუთერებით გამოყო და ხაზი გაუსვა იმ ადამიანებს, ვინც თავისი კერძო ტრაგედია გახადა საზოგადოების მხრიდან ზრუნვის საგანი. ასეთია ქალბატონი ირინას ღვაწლი და ასეთი იყო მარო მაყაშვილის ღვაწლიც. ყველაზე ბედნიერი როცა იყო ირინა, მაშინ მოუკლეს შვილი. მარო მაყაშვილი არ ყოფილა გათხოვილი და ამ შემთხვევაშიც კერძო ვერ შედგა. ბუნებრივი იყო შემეჯამებინა ეს“ - განმარტა მარგველაშვილმა.
ჟურნალისტის კითხვაზე, იყო თუ არა ირინა ენუქიძის დაჯილდოვება მესიჯი იუსტიციის უმაღლესი საბჭოსთვის, პრეზიდენტმა განაცხადა, რომ მას თავისი საზოგადოებრივი პოზიცია გაცხადებული ჰქონდა, თუმცა, აღნიშნულმა დაჯილდოვებამ მის პოზიციას განსაკუთრებული აქცენტი მისცა.
„მე არაერთხელ დავაფიქსირე ამასთან დაკავშირებით ჩემი პოზიცია. ჩვენ ძალიან ნათლად ვამბობდით, რომ საქართველოს სასამართლო სისტემის წინაშე დგას ძალიან დიდი გამოწვევა. საქართველოს სასამართლო მოდის ძალიან მძიმე წარსულიდან. ეს წარსული შეჯამდა, როგორც გამაოგნებელი. ამაზე აქტიურად საუბრობდნენ ჩემი თანამებრძოლები და აქტიურად იყვნენ ჩართულები გირგვლიანი საქმესთან მიმართებაში. იუსტიციის საბჭოში, ჩემს მიერ დანიშნულმა ადამიანმა დატოვა საბჭოს სხდომა და არ მისცა ხმა მურუსიძეს. ნინო გვენეტაძემაც არ მისცა ხმა. ვინ მისცა მურუსიძეს ხმა და რა მოტივით, არ ვიცი. ეს დღეები, ბოლო სამი კვირა საზოგადოება იყო გაერთიანებული იმასთან დაკავშირებით, რომ ჩვენ ვირჩევთ ახალ მოსამართლე წევრებს და ეს არჩევანი უნდა იყოს პასუხი იმ პრობლემურ 9 წლიან უსამართლო სასამართლოზე, რომელიც ჩვენ გვქონდა. ჩვენ ახალ ეტაპზე უნდა გადავიდეთ, სრულიად ახალი ტიპის ადამიანების მიყვანაა აუცილებელი სასამართლოში“ - აღნიშნა მარგველაშვილმა.
მისივე თქმით, სასამართლოს დამოუკიდებლობისთვის ბრძოლის ბოლომდე მისაყვანად, საჭიროა, მთელი რიგი ცვლილებები სასამართლო სისტემაში.
„მე ვიქნები ყოველთვის მოწოდებული იმ რეფორმებთან მიმართებაში, რომელიც უნდა განხორციელდეს სასამართლოში“ - განაცხადა გიორგი მარგველაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.