"სოციალურ პროგრამებთან ერთად მოხდება ასევე საპენსიო რეფორმის დაწყება, რომელსაც უდიდესი მნიშვნელობა ენიჭება მომავალი პენსიონერებისათვის", ამის შესახებ პრემიერ მინისტრობის კანდიდატმა გიორგი კვირიკაშვილმა პარლამენტში ფრაქცია "თავისუფალი დემოკრატების" სხდომაზე სიტყვით გამოსვლისას, სულ ცოტა ხნის წინათ განაცხადა.


"რეფორმები, რომელიც დავიწყეთ, გაგრძელდება და რა თქმა უნდა მაქსიმალური აქცენტი გადატანილი იქნება ეფექტიანობის გზრდაზე, გამჭვირვალობაზე და თანამშრომლობაზე ყველა დაინტერესებულ ადამიანთან. რაც შეეხება საყოველთაო ჯანდაცვის და სოციალური პროგრამების საკითხს, აუცილებლად გაგრძელდება ეს მართლაცდა წარმატებული პროგრამა. გამახვილდება ყურადღება იმაზე, რომ პროგრამა მაქსიმალურად იყოს ორიენტირებული საჭიროებებზე, მოხდეს შეძლებისდაგვარად დიფერენცირება არსებული პროგრამის, გაწეული ხარჯების ოპტიმიზაცია და კერძო სექტორის ჩართვა ," აღნიშნა კვირიკაშვილმა და დაამატა, რომ სტრატეგიული მნიშვნელობა მიენიჭება ცხოვრების ჯანსაღი წესის, სპორტის და ეკოლოგიის პროპაგანდასა და ჯანმრთელი თაობის აღზრდის მაქსიმალურ პოპულარიზებას," განაცხადა კვირიკაშვილმა.


"სოციალურ პროგრამებთან ერთად მოხდება ასევე საპენსიო რეფორმის დაწყება, რომელსაც უდიდესი მნიშვნელობა ენიჭება მომავალი პენსიონერებისათვის, ღირსეული პირობების შექმნის კუთხით და ამ პროგრამის დიზაინი პრინციპში შექმნილია მსოფლიო ბანკის ექსპერტებთან და პროგრამის დანერგვა დაიწყება უახლოეს მომავალში", აღნიშნა კვირიკაშვილმა და ხაზი გაუსვა რომ "ეს ეკონომიკის სწრაფი ნახტომისებრი განვითარებით მიიღწევა".