ეკონომიკური განვითარება და დასაქმება, ეს იქნება ჩვენი მომავალი საქმიანობის უმთავრესი ქვაკუთხედი, ამ მიმართულებაზე გაკეთდება ყველაზე დიდი აქცენტი და კონსოლიდირებული ძალისხმევა მინისტრთა კაბინეტის მიმართული იქნება ამ ძირითადი პრიორიტეტის ირგვლივ. ამ პრიორიტეტის ასახვა მოხდება სახელმწიფო და დარგობრივ სტრატეგიებში", განაცხადა გიორგი კვირიკაშვილმა პარლამენტში ფრაქცია “თავისუფალი დემოკრატების” სხდომაზე სიტყვით გამოსვლისას, სულ ცოტა ხნის წინათ და დააზუსტა, რომ ერთ-ერთი უპირველესი ქვე-პრიორიტეტი სამეწარმეო სულისკვეთების განვითარება იქნება, რისთვისაც სპეციალური სახელმწიფო პროგრამები დაინერგება.
"ჩვენ წამოვიწყეთ არაერთი სახელმწიფო პროგრამა წარმოების განვითარებისათვის. ეს არის პროგრამა "აწარმოე საქართველოში", ეს არის სოფლის მეურნეობის განვითარების მიმართულებით არაერთი პროგრამა, ეს არის მიკრო გრანტების პროგრამა, მიკრო მეწარმეებისათვის სოფლად. ჩვენ შედეგად რა თქმა უნდა მივიღეთ არსებული ბიზნესების ძალიან მნიშვნელოვანი განვითარება, ხოლო რაც შეეხება დამწყებ ბიზნესებს, "სტარტ-აპ" ბიზნესებს, განსაკუთრებით მხედველობაში მაქვს ის ბიზნესები, რომელთა ინიციატორებიც ძალიან ხშირად გამოდიან ახალგაზრდები, სამეწარმეო ინიციატივის მქონე ახალგაზრდები, ვერ პოულობენ საშუალებას საკუთარი იდეების დასაფინანსებლად საბანკო სექტორისა და არსებული დაფინანსების მექანიზმების გამოყენებით. ამიტომ ჩვენ ვფიქრობთ, რომ აუცილებელი იქნება უახლოეს მომავალში წარმოდგენა ახალი პროგრამის, რომელიც გაითვალისწინებს დამწყები ბიზნესების, "სტარტ-აპის" დაფინანსების ეფექტიანი მექანიზმების შექმნას. ჩვენ ვფიქრობთ, რომ მნიშვნელოვანი ფინანსური რესურსი უნდა იქნას გამოყოფილი სახელმწიფოს მხრიდან იმისათვის, რომ დამწყებმა ბიზნესმა, განსაკუთრებით ახალგაზრდებმა, რომელთაც აქვთ ძალიან საინტერესო იდეები და მე ვარ შეხვედრილი არაერთ ასეთ ადამიანს, შეძლონ საკუთარი ინიციატივის განხორციელება, შეძლონ ის, რომ მათ უნივერსიტეტის დამთავრების შემდეგ არ ჰქონდეთ საძებარი სახელმწიფო სამსასხურში სამუშაო ადგილი და შეძლონ საკუთარი ბიზნესის წამოწყება და ქვეყნის ეკონომიკაში ახალი აგურის დადება და მნიშვნელოვანი წვლილის შეტანა. სტატისტიკით და საერთაშორისო გამოცდილებით დადასტურებულია, რომ ასეთ ბიზნესებს აქვთ ერთის მხრივ, ასე ვთქვათ, ყველაზე მაღალი განაკვეთი იმისა, რომ შეიძლება წარუმატებელი აღმოჩნდეს, თუმცა ის ბიზნესები, რომელიც წარმატებული აღმოჩნდებიან, მთლიანობაში ზრდის ტემპით ასწრებენ არსებული ბიზნესების ზრდის ტემპს რამოდენიმეგზის და ეს არის დადასტურებული საერთაშორისო გამოცდილებით. ქვეყნის ეკონომიკის ზრდისათვის უმნიშვნელოვანესი ფუნქცია ენიჭება დამწყები ბიზნესის განვითარების მექანიზმების შექმნას. სწორედ ამ გზით ჩვენ შევძლებთ მყარი საშუალო ფენის ჩამოყალიბებას ქვეყანაში, რაც მნიშვნელოვანია მოხმარების ზრდისთვისაც. ეს იქნება ერთ-ერთი უმთავრესი მიმართულება მინისტრთა კაბინეტისათვის უახლოეს პერსპექტივაში," განაცხადა გიორგი კვირიკაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.