ამინდის გაუარესებისა და თოვლის სახით უხვი ნალექის მოსვლის გამო, ხობის მუნიციპალიტეტში გამგებლის გოჩა ქაჯაიას ხელმძღვანელობით საგანგებო შტაბი შეიქმნა. გამგებლისა და საკრებულოს თავმჯდომარის, ედიშერ ჯობავას უშუალო კოორდინაციით, შტაბის წევრები სისტემატურად გადიან ადგილებზე და მეთვალყურეობას უწევენ მიმდინარე სამუშაოებს.

ხობის გამგეობის ინფორმაციით, განსაკუთრებული რთული ვითარება შეიქმნა სოფლების, ბია - საჯიჯაოს საავტომობილო გზის მონაკვეთზე. სატრანსპორტო გზების გაწმმენდითი სამუშაოებისათვის მობილიზებულია ზუგდიდის შპს „საგზაო სამმართველო“, ფოთის შპს „გზა მშენი#13“,ხობის შპს „შარა გზა მშენი პირველის“ , შპს „რუკა მაპინგისა“ და შპს „ფიგაროს“მძიმე ტექნიკა.

საგანგებო რეჟიმში მუშაობენ შსს ხობის რაიონული სამმართველოსა და შსს ხობის რაიონული სამმართველოს სახანძრო-სამაშველო განყოფილების თანამშრომლები.