ბიძინა ივანიშვილმა თავის ბოლო სატელევიზიო გამოსვლისას, 2015 წლის 30 დეკემბერს, გადაცემა 2030-ში  იმ დაპირებების, მისი თქმით, "გამონათქვამების" კონტექსტი და მნიშვნელობაც განმარტა, რომელსაც მას ოპონენტები ხშირად ახსენებენ, როდესაც საუბარი კარგ მე-2, უკეთეს მე-3 და საუკეთესო მე-4 წელს ეხება.



"მე მინდა მოსახლეობას შევახსენო ჩემი დანაპირები, ჩემი გამონათქვამები, დანაპირებად ეს არ ითვლება, რასაც ხშირად მახსენებენ, რომ ვამბობდი, რომ მეორე წელიწადი იქნება გასაგები, მესამე იქნება კარგი, შემდგომი უფრო კარგი და დანარჩენი წლებიც იქნება უკეთესი და უკეთესი, მხედველობაში მქონდა, დღესაც მინდა  ამას ხაზი გავუსვა, რომ ძირითადი ფუნქცია, რაც უნდა შეასრულოს სახელმწიფომ და ხელისუფლებამ იმისათვის, რომ ბიზნესი წარმატებით განვითარდეს და ინვესტიციები შემოვიდეს, რის ხარჯზეც ევროპის წარმატებული ქვეყნებიც და ამერიკაც გაიზარდა, ჩვენ ეს ყველაფერი დავაფუძნეთ და დავაფუძნეთ ძალიან სწრაფად, რომ ბიზნესი არის თავისუფალი, კერძო საკუთრება არის აბსოლუტურად დაცული, კრიმინალი შემცირდა, მიუხედავად, "ნაციონალების" ვთქვათ, კრიტიკისა. კანონები გასაგებია, დახვეწას საჭიროებს და უნდა გაგრძელდეს, ეს პროცესია მუდმივი. მთავრობა ცდილობს, რომ პრიორიტეტები სწორად დააფინანსოს და მოახერხა, ეს იყო სოფლის მეურნეობა, ჯანდაცვა, შემდგომ შეიძლება სხვა პრიორიტეტებიც, ვთქვათ ადგილობრივი წარმოების წახალისება და ა.შ. მე რაც მაძლევდა საფუძველს იმისას, რომ საქართველოს ეკონომიკა იქნება წარმატებული, გახლდათ ის, რომ ჩვენ იმ თამაშის წესებს ვაფუძნებთ და დავაფუძნეთ, რის ხარჯზეც სხვა ქვეყნები გახდნენ წარმატებულნი და ეს პროცესი განუხრელად დამკვიდრდა და გრძელდება. აი, ეს აუცილებლად ჩვენ მოგვცემს საშუალებას, რომ საქართველოში დაიწყოს უფრო, უფროს ვერ ვიტყოდი, რადგანაც 3% არ არის სახალისო, მაგრამ ნახეთ აბა სხვის ფონზე, შარშან, მე-2 წელი, რომელიც მე ვთქვი გასაგები იქნება და არა წარმატებული, არათუ რეგიონში ვიყავით პირველები, არამედ ევროპაშიც პირველები ვიყავით," აღნიშნა ივანიშვილმა და დაამატა:



"როდესაც რეგიონში კრიზისია, ვერც ერთი ქვეყანა ვერ იქნება წარმატებული და ასეთი მაგალითი ეკონომიკაში არ არსებობს. როცა მსოფლიო კრიზისია, იქ ვერც ერთი ქვეყანა ვერ არის სუპერ-წარმატებული, კრიზისს ყველა განიცდის. განიცადა საქართველომაც, მაგრამ ამაში არ არის ჩვენი მთავრობის დანაშაული, რომ, რაც მოხდა დევალვაცია და ა.შ. იმისათვის, რომ სწორად შევაფასოთ, რამდენად ეფექტურია საქართველოს მთავრობა, და მახსოვს მე აქ ერთ-ერთ გადაცემაში შეკითხვა დამისვეს, რის შემდეგაც გამიჩნდა იდეა, რომ ეკონომიკური კონფერენციების მოწყობა მოგვეხერხებინა თვეში ერთჯერ, რომელიც გრძელდება. უკვე 4 თუ 5 კონფერენცია იყო და იანვარშიც იქნება, თებერვალშიც იქნება, ჩვენ ვიწვევთ იქ მათ რიცხვში ოპონენტებს და ვუსვამთ შეკითხვას - კიდევ რის გაკეთება შეეძლო ჩვენს მთავრობას და არ აკეთებს - ჯერჯერობით, ვერაფერსაც ვერ ახერხებენ, ის გოცირიძეც იქ მოძვრება, ერთ ნახევარს დაესწრება, მერე მიდის, და გამოდის და სპეკულირებს გამონათქვამებით საკუთარი თავის. მობრძანდეს გოცირიძეც, მობრძანდნენ სხვებიც და სპეციალისტი თუა, სპეციალისტებს დაუსაბუთოს და მიანიშნოს, რომ აი, კიდევ ეს შეიძლება გაკეთდეს და სხვებსაც ამას მივანიშნებ, ეკონომისტობას რომ იჩემებენ და ექსპერტობას, მობრძანდნენ კონფერენციაზე და გვაჩვენონ თავიანთი ხედვა, მაგრამ სპეკულირებით კი არა ტელევიზიების წინ და კამერების წინ, უარგუმენტო გამონათქვამებით, მობრძანდნენ და დაგვეხმარონ. ჯერჯერობით, 4 თუ 5 ჩატარდა, არც ერთი არ ჩანან, ყველა მოწვეულები არიან და ყოველთვის გოცირიძე არ გამოგვრჩება ვთქვათ, ეს გოცირიძე ამოვიჩემე გვარი, მობრძანდნენ და გვაჩვენონ გზა. სხვა დანარჩენი არგუმენტები, რაც შემიძლია მე გითხრათ, რაც თავის მოხსენებაში ღარიბაშვილმა გააკეთა, 3-წლიანი როდესაც შეაჯამა, მე ვფიქრობ, რომ ვინც ახერხებს რეალური ანალიზის გაკეთებას, რეალობიდან მოსთხოვოს ჩვენს ხელისუფლებას. ხელისუფლება იყო საკმაოდ წარმატებული, თუ ძალიან წარმატებული არა და ამის სამტკიცად, კიდევე ერთჯერ შეგახსენებთ, საერთაშორისო ინსტიტუტების შეფასებებს, რომ ჩვენ უკვე კონკურენტუნარიანები ვართ ევროპული ქვეყნების, იტალიას ვუსწრებთ, ესპანეთს ვუსწრებთ, რაღაცებში ვუსწრებთ, ბულგარეთს, საბერძნეთს, ეფექტურობით სწორედ, მთავრობის ეფექტურობით, გამჭვირვალობით, დემოკრატია, კორუფციის ხარისხით და ა.შ. ჩვენ უკვე რეალურ კონკურენციას ვუწევთ ევროპულ ქვეყნებს. საუბედუროდ, ეკონომიკა დღეს არის ასეთი, ჩვენ გვაქვს, ძალიან ღარიბი ეკონომიკა და კიდევ ერთჯერ შევახსენებ ჩვენს მოსახლეობას, რომ არ ყოფილა მსოფლიოში პრეცედენტი, ვერავინ ვერ დამისახელებს ამის პრეცედენტს, რომ ასეთი ეკონომიკის მქონე სახელმწიფოში ყოფილიყო ასეთი დემოკრატიული ღირებულებები, როგორიც დღეს საქართველოშია. მხედველობაში მაქვს ღარიბი, რაა? ერთ სულ მოსახლეზე წარმოებული პროდუქცია. ვერც ერთ სახელმწიფოს ვერც ერთ დროს ვერ დაასახელებთ, რომ ასეთი ცოტა პროდუქცია იწარმოებოდეს ერთ სულ მოსახლეზე და ასე მტკიცედ იყოს დაცული, მიახლოებული, მტკიცედ არ ვიტყოდი, ასე მიახლოებული იყოს დემოკრატიული ღირებულებები ევროპულ ქვეყნებს და ამას საერთაშორისო ინსტიტუტები ამტკიცებენ. რა თქმა უნდა გაჭირვებული მოსახლეობისთვის ეს არ არის გასაღები და გამოსავალი და ეს ვერ მოუფენს გულს, რომ ეს ასეა. მათ სჭირდებათ რეალური შედეგი, დადგება რეალური შედეგი, აუცილებლად დადგება, დამთავრდება კრიზისი რეგიონში, ევროპაში და საქართველო აუცილებლად იქნება წარმატებული ქვეყანა და აუცილებლად ეკონომიკური აღმავლობა იქნება საქართველოში, რამეთუ ამის ყველანაირი საფუძველი არსებობს," განაცხადა ბიძინა ივანიშვილმა.