საქართველოს პარლამენტის ჯანდაცვის კომიტეტის თავმჯდომარე, დიმიტრი ხუნდაძე გირგვლიანების ოჯახს ბოდიშს უხდის. ხუნდაძე დღეს გამართულ პრესკონფერენციაზე სააპელაციო სასამართლოში ლევან მურუსიძის მოსამართლედ არჩევის საკითხს გამოეხმაურა და აღნიშნა, რომ მურუსიძის დანიშვნა არც ერთ მორალურ-ზნეობრივ სტანდარტში არ ჯდება.
"ჩემი პოლიტიკური გუნდის წევრებს არაერთხელ განუცხადებიათ, რომ ამ გადაწყვეტილებით არათუ მოხარულები არიან, არამედ ჩემს პირად პასუხისმგებლობასაც ვგრძნობ, რადგან იმ მოსამართლეებს რომელთაც მურუსიძეს ხმა მისცეს პარლამენტში ჩემი ხმაც მათ ეკუთვნოდათ. გარკვეულწილად ვეთანხმები, რომ "ნაციონალური მოძრაობის" სისტემის მსხვერპლი შეიძლება იყოს ძალიან ბევრი ადამიანი, არ გამოვრიცხავ, რომ ამ სისტემის მსხვერპლი ყოფილიყო მურუსიძეც, მაგრამ ვფიქრობ სწორედ მოსამართლეებს არ აქვთ უფლება იყვნენ რომელიმე სისტემის ან ქმედების მსხვერპლი. ამ შემთხვევაში ეს არის სწორედ უსამართლობა, მოსამართლეს არ აქვს უფლება იყოს უსამართლობის მსხვერპლი", - განაცხადა დიმიტრი ხუნდაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.