თბილისის საქალაქო სასამართლოს მოსამართლემ შინაგან საქმეთა ყოფილი მინისტრის ვანო მერაბიშვილის ე.წ. 26 მაისის საქმესთან დაკავშირებით განაჩენი გამოაცხადა.
მერაბიშვილს სასამართლომ 6 წლით თავისუფლების აღკვეთა მიუსაჯა, თუმცა ამინისტიის საფუძველზე საბოლოოდ მას 4 წლითა და 6 თვით თავისუფლების აღკვეთა განესაზღვრა. იგი მხოლოდ პატივისა და ღირსების შელახვის ნაწილში გამართლდა.
ადვოკატები მოსამართლის გადაწყვეტილების ყველა ინსტანციაში გასაჩივრებას აპირებენ.
შეგახსენებთ, რომ ქუთაისის საქალაქო სასამართლომ სხვა საქმეზე, ე.წ. ფიქტიური დასაქმების საქმეზე ვანო მერაბიშვილისა და ზურაბ ჭიაბერაშვილის განაჩენი 10 დღის წინათ, 17 თებერვალს გამოაცხადა.
მოსამართლე ნათია ბარბაქაძის გადაწყვეტილებით, ივანე მერაბიშვილი დამნაშავედ იქნა ცნობილი და სხვადასხვა მუხლით, ხუთწლიანი პატიმრობა შეეფარდა. ჭიაბერაშვილს კი ჯარიმის სახით 50 ათასი ლარის გადახდა დაეკისრა. მერაბიშვილს ასევე 1 წლისა და 6 თვის ვადით საჯარო სამსახურში თანამდებობის დაკავების უფლებაც ჩამოერთვა.
როგორც მოგვიანებით მერაბიშვილის ადვოკატმა, გიორგი ჩივიაშვილმა განაცხადა, ჯერჯერობით უცნობია, მოხდება თუ არა ორი სხვადასხვა სასამართლოს მიერ გამოტანილი, 5-წლიანი და 4,6-წლიანი სასჯელების შემცირება ან შთანთქმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.