პრემიერ-მინისტრის, გიორგი კვირიკაშვილის ხელმძღვანელობით, დღეს მთავრობის ადმინისტრაციაში გაფართოებული სამუშაო შეხვედრა გაიმართა, რომელზეც ქვეყნის ინფრასტრუქტურული განვითარების სტრატეგიული გეგმა და რეგიონული მნიშვნელობის პროექტების მიმდინარეობა განიხილეს.
საქართველოს მთავრობის ადმინისტრაციის ცნობით, მინისტრთა კაბინეტის წევრებმა და პარლამენტის რამდენიმე კომიტეტის თავმჯდომარემ მნიშვნელოვანი ინფრასტრუქტურული პროექტების განხორციელების კიდევ უფრო დაჩქარების მექანიზმებზე ერთობლივად იმსჯელეს.
მთავრობის ადმინისტრაციის ინფორმაციით, დაისახა გზები ცენტრალური ავტომაგისტრალისა და მთიან რეგიონებთან დამაკავშირებელი გზების დროის უფრო შეზღუდულ მონაკვეთში განვითარებისთვის. პრემიერმა ასევე მოისმინა ინფორმაცია რეგიონების წყალმომარაგების გაუმჯობესების მიზნით მიმდინარე პროექტების შესახებ. დეტალური პრეზენტაცია სამუშაო შეხვედრაზე რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა წარადგინა.
მთავრობის ადმინისტრაციის ცნობით, პრემიერ-მინისტრმა მსგავს ფორმატში შეხვედრა რამდენიმე მიმართულებით გამართა. მინისტრთა კაბინეტის წევრებმა უკვე იმსჯელეს იმ პროექტების შესახებ, რომლებსაც განათლებისა და მეცნიერების, ეკონომიკისა და მდგრადი განვითარების, გარემოსა და ბუნებრივი რესურსების დაცვის, სოფლის მეურნეობისა და ენერგეტიკის სამინისტროები ახორციელებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.