კოალიცია "ქართული ოცნების" წარმომადგენელი, საპარლამენტო უმრავლესობის ერთ-ერთი ლიდერი თამაზ მეჭიაური, იმ შემთხვევაში თუკი 2016 წლის საპარლამენტო არჩევნებზე სიების შედგენისას შეთანხმების მიღწევა გაჭირდება, გამოსავალს კოალიციის დაშლაში ხედავს. ამის შესახებ მეჭიაურმა "პრაიმ ტაიმისთვის" მიცემულ ინტერვიუში ისაუბრა.
მეჭიაურის თქმით, იმისთვის, რომ ყველა პარტიამ მიიღოს თავისი დამსახურების შესაბამისი და არა იმდენი რამდენი ამბიციაც აქვს, ამისთვის აჯობებს განსაკუთრებით დიდი ამბიციის მქონე პარტიებმა დამოუკიდებლად მიიღონ არჩევნებში მონაწილეობა. მეჭიაური კოალიციაში შემავლი პარტიებიდან, პირველ რიგში "რესპუბლიკურ პარტიას" გულისხმობს.
"თუ გაირკვევა, რომ ექნებათ იმდენი ძალა და მხარდაჭერა, რომ დამოუკიდებლად მართონ ქვეყანა, ღმერთმა ხელი მოუმართოთ...თუ ვერ შეჯერდება ორი სუბიეტქი იმ თანაფარდობაზე, რომელიც რეალურად ასახავს მათ შორის ბალანსს რეიტინგების თვალსაზრისით, ყოველ შემთხვევაში ახლოს მაინც არ იქნება რეალობასთან, მაშინ დიდი ამბიციის მქონე პარტიებმა დამოუკიდებლად მინიმუმ ბარიერი მაიც ხომ უნდა გადალახონ? ხომ ასეა? თუ ბარიერს გადალახავენ, ბლოკის გაკეთება შეეძლებათ მერე იმ თანაფარდობით რა თანაფარდობითაც შევლენ პარლამენტში. ეს იქნება სამართლიანი. თუ სიებზე შეთანხმება ვერ შედგა, მაშინ ეს არის გამოსავალი," აცხადებს თამაზ მეჭიაური "პრაიმ ტაიმთან" ინტერვიუში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.