გაზეთ "ქრონიკა+-ის მთავარი რედაქტორის, ელისო კილაძის განცხადებით, პირადი ცხოვრების ამსახველი კადრებით შანტაჟზე, აღმასრულებელ ხელისუფლებაში არსებული სპეციალური ჯგუფი მუშაობს. ამის შესახებ კილაძემ დღეს გამართულ პრეს-კონფერენციაზე განაცხადა.
კილაძის თქმით, ეს არის მარგინალთა ერთი ჯგუფი, ამ ჯგუფის შემადგენლობაში კი ორი მაღალჩინოსანი შედის. ესენი არიან: სახელმწიფო უსაფრთხოების სააგენტოს დირექტორის მოადგილე, იოსებ გოგაშვილი და დიასპორის მინისტრის მოადგილე, სანდრო ბრეგაძე. ჯგუფის შემადგენლობაში შედიან ასევე "მარშალ პრესის" წარმომადგენლები, ლადო სადღობელაშვილი და "ასავალ-დასავალი"-ს ჟურნალისტი, ზაზა დავითაია.
"ჯგუფის მიერ იგეგმება მძიმე პროვოკაცია - პირველი ეს არის, რომ გადაწყვიტეს დააშანტაჟონ ალექსანდრე ელისაშვილი და ზვიად ქორიძე.
მეორე პროვოკაცია - სამეგრელოს რეგიონში, ე.წ ზვიადისტთა წინააღმდეგობის ჯგუფების შექმნა. ეს ჯგუფები გამოყენებული იქნება გაზაფხულიდან არჩევნების ჩათვილით. ეს არის ძალიან მძიმე გზა. ეს არის გზა სამოქალაქო ომისკენ. სანდრო ბრეგაძეს სპეცსახსრებიდან მოთხოვნილი აქვს 30 000 დოლარი, რომელიც ამ გეგმის განსახორციელებლად სჭირდება" - აღნიშნა კილაძემ.
გაზეთ "ქრონიკა+"-ის მთავარმა რედაქტორმა მოუწოდა საქართველოს პრემიერ მინისტრს, გიორგი კვირიკაშვილს, რომ დაუყოვნებლივ დაიწყოს აღნიშნული საკითხის შესწავლა.
"უნდა შეიქმნას სპეციალური ჯგუფი, რომელიც გააკონტროლებს როგორ იხარჯება სახსრები სუსი-სგან და როგორ იხარჯება სპეცსახსრები. ამ ადამიანებმა თანამდებობები უნდა დატოვონ, რადგან ეს არის ჯგუფი, რომელიც აზიანებს მთავრობისა და სპეცსამსახურის იმიჯს"- განაცხადა კილაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.