2016 წლის 1 იანვრიდან, კანონი მაღალმთიანი რეგიონის განვითრების შესახებ ასპინძის მუნიციპალიტეტსაც მოიცავს. კერძოდ, საქართველოს მთვრობის გადაწყვეტილებით, დაბა ასპინძა და მუნიციპალიტეტში შემავალი 23 სოფელი (ასპინძა, აწყვიტა, გელსუნდა, დამალა, ვარგავი, ვარძია, ზემო ვარძია, თმოგვი, თოკი, იდუმალა, ივერია, მირაშხანი, ნაქალაქევი, ნიჯგორი, ოთა, ორგორა, ოშორა, სარო, საყუდაბელი, ტოლოში, ფია, ძველი, ჭობარეთი და ხიზაბავრა ) მაღალმთიანი რეგიონის განვითარების სტატუსით ისარგებლებს.


როგორც ასპინძის მუნიციპალიტეტის გამგებელი ლევან ცაბაძე აღნიშნავს, მაღალმთიანი რეგიონის განვითრების შესახებ კანონის მიღება დიდ შეღავათს მისცემს ასპინძის მუნიციპალიტეტს.


"ჩემი მთვარი მიზანია, ასპინძის მუნიციპალიტეტში დასაქმების პრობლემა შეძლებისდაგვარად მოგვარდეს. იმისათვის რომ ადგილობრივებს მუშაობის საშუალება მიეცეთ, უნდა გაიხსნას საწარმოები სოფლის მეურნეობის კუთხით. აღნიშნული პრობლემების მოგვარებაში უმნიშვნელოვანეს როლს შეასრულებს ჩვენი მუნიციპალიტეტისათვის მაღლმთიანი რეგიონის განვითრების სტატუსის მინიჭება. კანონი უკვე ძალაშია და მის ამოქმედებისათვის აქტიურად ვმუშაობთ. ახლა შემიძლია თამამად განვაცხადო, რომ ჩემი დანაპირები დასაქმების თობაზე უახლოეს მომავალში შესრულდება და ასპინძის მუნიციპალიტეტი დემოგრაფიული პრობლების წინაშე აღარ აღმოჩნდება.


შეუძლებელია ეს პრობლემები ერთ ან ორ კვირაში მოგვარდეს. მას წლები სჭირდება. ჩვენ ნაბი-ნაბიჯ მივიწევთ წინ და მჯერა, რომ ასპინძის მუნიციპალიტეტში ჩემი მმართველობის პერიოდში მოხდება დასაქმების პრობლემის შედარებით მოგვარება,“ განაცხადა ასპინძის მუნიციპალიტეტის გამგებელმა ლევან ცაბაძემ.


მაღალმთიანი რეგიონების განვითრების კანონით გათვალისწინებულია საგადასახადო შეღავათები მაღალ მთაში მოქმედი გარკვეული საწარმოებისათვის, ფინანსური და სოციალური დახმარება მაღალმთიან რეგიონებში მუდმივად მცხოვრები მოსახლეობისათვის, სახელფასო დანამატები პედაგოგებისა და მედიცინის მუშაკებისათვის, სოციალური დახმარება პენსიონერებისათვის, შეღავათები ელექტროენერგიით სარგებლობისას და გათბობით უზრუნველყოფის საკითხში. განსაკუთრებული ყურადღება მიექცევა ბიზნესისა და ინფრასტრუქტურის განვითარებას.