ევროკომისიის პრეზიდენტის, ჟან-კლოდ იუნკერის განცხადებით, 2016 წლის ევროკომისიის პრიორიტეტი ევროკავშირში ეკონომიკური ზრდისა და დასაქმების უზრუნველყოფა იქნება. როგორც "ევრონიუსი" იტყობინება, იუნკერმა გადაუწყვეტ პრობლემებად უკრაინაში არსებული მძიმე ვითარება, რუსეთთან უთანხმოება და ტერორისტული საფრთხეები დაასახელა.
"ევრონიუსი" წერს, რომ იუნკერმა ასევე უარყოფითად შეაფასა ევროკავშირის ზოგიერთი ქვეყნის განცხადებები, რომლებსაც მიგრანტების მიღება არ სურთ. "კომისიამ ყველაფერი გააკეთა, რაც კი იყო შესაძლებელი ძალიან მძიმე პირობებში. თუმცა, ევროკავშირის ზოგიერთ ქვეყანას, როგორც ჩანს, შეექმნა პრობლემები მინისტრთა საბჭოზე მიღებული გადაწყვეტილებების შესრულებასთან დაკავშირებით", -განაცხადა იუნკერმა. მისი თქმით, თუ 2016 წელს არ შესრულდება ნაკისრი ვალდებულებები, ევროკავშირში ნდობის კრიზისი შეიქმნება. როგორც ევროკომისიის პრეზიდენტმა აღნიშნა, თუ შენგენის ზონა მიგრაციულ ზეწოლას ვერ გაუძლებს და ევროკავშირის შიგნით თავისუფალი გადაადგილება შეიზღუდება, ეს მძიმე დარტყმას მიიტანს ეკონომიკაზე და უმუშევრობას გაზრდის. "გასული წელი ევროპისთვის მძიმე იყო. ყველაფერი რთულად იქნება წელსაც. მაგრამ არ მინდა ვიფიქრო, რომ ეს დასასრულის დასაწყისია", - დასძინა იუნკერმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.