გაეროს განცხადებით, ერაყში სამოქალაქო პირებზე ძალადობის შემაშფოთებელი მაჩვენებლი კვლავ შენარჩუნებულია და 2014 წლის 1 იანვრიდან 2015 წლის 31 ოქტომბრამდე სულ მცირე 18 800 ადამიანია მოკლული. ახალი ანგარიშის თანახმად, დროის ამ მონაკვეთში ასევე ქვეყნის შიგნით 3.2 მილიონი ადამიანი გახდა დევნილი.

გაერო „ისლამურ სახელმწიფოს", რომელიც ერაყის დიდ ნაწილს აკონტროლებს, სისტემატურ ძალადობაში ადანაშაულებს, რაც კაცობრიობის წინააღმდეგ დანაშაულის, და შესაძლოა გენოციდის ნიშნებსაც შეიცავდეს.

გაეროს უმაღლესმა კომისარმა ადამიანის უფლბების დაცვის კუთხით, ზეიდ რა'ად ალ ჰუსეინმა განაცხადა, რომ ანგარიში „მტკიცედ აჩვენებს თუ რისგან თავის დაღწევას ცდილობენ ერაყელი ლტოლვილები, როდესაც ისინი ევროპასა და სხვა რეგიონებში გარბიან. ეს არის საშინელება, რის პირისპირაც ისინი თავიანთ მშობლიურ ქვეყანაში დგანან“.