მომავალ არჩევნებს ხელისუფლება კი არ მოიგებს, არამედ ოპოზიცია წააგებს, - ამის შესახებ "საქართველოს განვითარების ფონდის" წარმომადგენელმა ხათუნა ლაგაზიძემ განაცხადა.
"მომავალი საპარლამენტო არჩევნები იქნება საკმაოდ კონკურენტუნარიანი და ხმაურიანი, მიუხედავად იმისა, რომ ოპოზიცია არის ძალიან სუსტი. ამ სისუსტის თვალსაზრისით მახსენდება "ნაციონალური მოძრაობის" პერიოდში ჩატარებული არჩევნები, როდესაც ოპოზიცია იყო იმდენად სუსტი, რომ ხელისუფლებისთვის რეალური კონკურენციის გაწევა არ შეეძლო. "ნაციონალების" მთავარი პრობლემა იყო სწორედ სუსტი ოპოზიცია, რომელიც ვერ ახერხებდა ხელისუფლების კონტროლს. დღესაც საქმე გვაქვს ზუსტად იგივე სიტუაციასთან. ხელისუფლებას ჰყავს იმდენად სუსტი ოპოზიცია, რომ თავს უფლებას აძლევს გააკეთოს ის, რაც მას სურს. თუმცა დღევანდელი ხელისუფლების მთავარი პრობლემა არის საკუთარი თავი. მომავალ არჩევნებში ხელისუფლება კი არ მოიგებს, არამედ წააგებს ოპოზიცია და არჩევნებს მოიგებს ის, ვინც შეძლებს, რაც შეიძლება მეტი ამომრჩევლის გამოყვანოს საარჩევნო უბნებთან. იმიტომ რომ აპათია, რომელიც ბოლო წლების განმავლობაში განსაკუთრებით გაძლიერდა, ხელს უწყობს ამომრჩევლის პასიურობას, ხოლო რაც უფრო ნაკლები ამომაჩეველი მოვა არჩევნებზე, მით უფრო მაღალია გაყალბების ალბათობა", - განაცხადა ლაგაზიძემ.
2016 წლის საპარლამენტო არჩევნებზე საუბრისას ხათუნა ლაგაზიძე არ აკონკრეტებს, მიიღებს თუ არა მონაწილეობას "საქართველოს განვითარების ფონდი" და აცხადებს, რომ "ამ ეტაპზე ფონდის საქმიანობის მიზანია საზოგადოების დაბრუნება სახელმწიფოს შენების პროცესში".
"საქართველოს განვითარების ფონდს" ბოლო პერიოდში ჰქონდა გასვლები რეგიონებში, რომელიც 1-ლი თებერვლიდან გაგრძელდება და შემიძლია გითხრათ საზოგადოებრივი განწყობის თაობაზე. ძალიან ბევრი, მათ შორის 2012 წლის არჩევნებზე "ქართული ოცნების" მხარდამჭერი, ამბობდა, რომ ის ხელისუფლებამ მოატყუა. მათ ფაქტობრივად სამშობლო წაართვეს, გამომდინარე იქიდან, რომ საზოგადოება გარიყულია პროცესებიდან და ადამიანებს სახელმწიფოს და საზოგადოების შენების პროცესში მონაწილეობის საშუალება აღარ აქვთ. მოქალქეებს სოციალური როლი დააკარგვინეს. სასიცოცხლოდ მნიშვნელოვანია სწორედ მათი დაბრუნება ამ პროცესში, გააქტიურება. ეს თბილისიდან და ერთი ოფისის მეშვეობით ვერ მოხერხდება, ამიტომ ჩვენ გადაუდებელ ამოცანად მივიჩნიეთ, რომ ჩავიდეთ ადგილებზე და დავიწყოთ საზოგადოების, მოქალაქეების სახელმწიფოს შენების პროცესში დაბრუნების ძალიან მნიშვნელოვანი ამოცანა", - განაცხადა ხათუნა ლაგაზიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.