არასამთავრობო ორგანიზაცია “პოზიცია”-ს ორგანიზებით, Club EGOIST – ში, რიგით მე-8 საქველმოქმედო პროექტი, სახელწოდებით „ქუჩის მუსიკოსები სოციალურად დაუცველი ადამიანების დასახმარებლად” გაიმართა. საქველმოქმედო ღონისძიება 8 წლის ლუკა გავაშელიშვილის დასახმარებლად ჩატარდა, რომელსაც აქვს ცერებრალური დამბლა. ლუკა ამ ეტაპზე, გადის სარეაბილიტაციო კურსს და სჭირდება ძვირადღირებული მედიკამენტები. ოჯახს არ აქვს სახსრები საიმისოდ, რომ მკურნალობის პროცესი ფინანსურად უზრუნველყოს. საქველმოქმედო საღამოზე, საზოგადოების წინაშე ქუჩის მუსიკოსებთან ერთად, მაესტრო მორისი და DJ PANDA წარსდგნენ.

“მე ვფიქრობ, რომ დღევანდელი საღამო შედგა. მიხარია, რომ სზოგადოება აღნიშნულ ქველმოქმედებაში ჩაერთო. მიმაჩნია, რომ აუცილებელია ყველას გვქონდეს ერთმანეთის დახმარების სურვილი, შეგვეძლოს ერთმანეთის გატანა და სიყვარული. ქველმოქმედება ყველა ადამიანის სოციალური პასუხისმგებლობაა. “პოზიცია” განგრძობს საქველმოქმედო ხასიათის ღონისძიებების გამართვას და საზოგადოებას აქტიურობისა და თანადგომისკენ მოუწოდებს” – განაცხადა არასამთავრობო ორგანიზაციის აღმასრულებელმა დირექტორმა, გურამ ადამაშვილმა.