„ქართული ოცნების“ წარმომადგენლის, გია ვოლსკის შეფასებით, შეწყალების კომისიის ირგვლივ ატეხილი სკანდალი უზნეო სიცრუე იყო. ამის შესახებ განცხადება ვოლსკიმ პარლამენტში, პრეზიდენტის ყოველწლიური ანგარიშის მოსმენის შემდეგ გააკეთა.
„ქვეყნის ინტერესებისათვის უსაფუძვლო აჟიოტაჟი შექმნა მოსმენების კანონის ირგვლივ საუბარმა. უზნეო სიცრუე - ალბათ, ესაა პარლამენტის საპარლამენტო ტრიბუნიდან დასაშვები შეფასება, რაც შეიძლება ეწოდოს ბრალდებებს ჩვენი კოლეგების მისამართით, როდესაც შეწყალების კომისიაზე იქნა აგორებული პოლიტიკური შოუ. ამ შოუს ერთ-ერთ მთავარ გმირად შეწყალების კომისიის ყოფილი მდივანი იქცა. რეალურად არაფერი არ არსებობს, არც მიმდინარე გამოძიებისათვის საჭირო მტკიცებულება, არც ინფორმაციისა და დეზინფორმაციის წყარო. არსებობს მხოლოდ კოკრეტული პოლიტიკური ძალის - „ქართული ოცნების“ ხელისუფლების მიმართ ორკესტირებული შეტევა და აშკარა მცდელობა ჩრდილი მიაყენონ სახელმწიფო სტრუქტურებს. უფრო მეტიც, ამ ქვეყანაში, უპატიოსნოს პატიოსნებაზე გაკეთებული განცხადებები შემოგვრჩა ხელთ“ - აღნიშნა ვოლსკიმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.