"ვიკილიკსის" დამფუძნებელი ჯულიან ასანჟმა განაცხადა, რომ მზად არის, პარასკევს ბრიტანულ პოლიციას ჩაბარდეს, თუ გაერო-ს კომისია მიიჩნევს, რომ იგი კანონიერად იყო დაპატიმრებული. ამის შესახებ BBC იტყობინება.
თავისუფლების უკანონო აღკვეთის საკითხზე მომუშავე გაერო-ს კომისია ასანჟთან დაკავშირებულ გადაწყვეტილებას ხვალ ჟენევაში გამოაქვეყნებს. "თუ გაერო ხვალ განაცხადებს, რომ დიდი ბრიტანეთისა და შვედეთის წინააღმდეგ საქმე წავაგე, საელჩოდან გამოვალ და ბრიტანულ პოლიციას ჩავბარდები, რადგან საქმის გასაჩივრებას აზრი აღარ ექნება," ნათქვამია ასანჟის განცხადებაში.
"ვიკილიქსი" მას შემდეგ გახდა ცნობილი, რაც აღნიშნულმა ვებგვერდმა პენტაგონის, სახელმწიფო დეპარტამენტისა და სხვა ამერიკული სახელმწიფო უწყებების საიდუმლო დოკუმენტები გამოაქვეყნა.
შვედეთში ექსტრადირების თავიდან ასაცილებლად, 44 წლის ასანჟი 2012 წლიდან ლონდონში, ეკვადორის საელჩოში ცხოვრობს, რადგან თავიდან აერიდებინა შვედეთში, გაუპატიურების ბრალდებით ექსტრადირება. თავად ასანჟი ამ ბრალდებას უარყოფს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.