საქართველოს განათლებისა და მეცნიერების მინისტრმა თამარ სანიკიძემ ქალაქ ქუთაისის 30–ე საჯარო სკოლაში, განხორციელებული და მიმდინარე ინფრასტრუქტურული პროექტები დაათვალიერა, სადაც ფართომასშტაბიანი სარემონტო სამუშაოების დიდი ნაწილი დასრულებულია.
განათლების სამინისტროს ცნობით, სკოლაში ასევე დასრულდა თანამედროვე სტანდარტების ღია სპორტული მოედნის მოწყობა, რაც მრავალრიცხოვანი სკოლისთვის სასიცოცხლოდ მნიშვნელოვანი იყო. დიდი სტადიონი მოსწავლეებს მნიშვნელოვანი სპორტული შეჯიბრებებისა და სპორტის რამდენიმე სახეობაში ვარჯიშის საშუალებას მისცემს.
მათივე ინფორმაციით, სკოლას ასევე ექნება დახურული სპორტული დარბაზი, რომლის მოწყობაც ამ ეტაპზე მიმდინარეობს. როგორც სამინისტროში განმარტავენ, გასულ წელს, იმერეთის რეგიონში 107 სკოლის რეაბილიტაციაზე 8 მილიონი ლარი დაიხარჯა, სოფელ ზედა ვანში აშენდა ახალი სკოლა, სკოლის მშენებლობა მიმდინარეობს სოფელ მუხურაში. მიმდინარე წელს დაიწყება ტყიბულის მე-7 საჯარო სკოლის მშენებლობა, მომზადდება ჭიათურის სოფელ მეჩხეთურის საჯარო სკოლის პროექტი, იმერეთის რეგიონის 19 სკოლაში ექიმის კაბინეტი მოეწყო, ამ ეტაპზე მიმდინარეობს ახალი მერხებით სკოლების აღჭურვის პროცესი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.