საქართველოს შეიარაღებული ძალების V ქვეით ბრიგადას თანამედროვე მწერლები და პოეტები ეწვივნენ. ინფორმაციას ამის შესახებ სამინისტროს პრეს-სამსახური ავრცელებს.
უწყების ცნობით, ჯემალ ინჯია, ირაკლი შამათავა, ირმა მალაციძე, მაკა ლდოკონენი, ბექა ახალაია, ნინო ჭინჭარაული, რუსუდან კაიშაური და ნიკა ჩერქეზიშვილი სამხედროებს კულტურის მინისტრის მრჩეველმა ქეთევან დუმბაძემ წარუდგინა.
"მწერლებმა პროექტ „ცოცხალი წიგნების“ ფარგლებში სამხედრო მოსამსახურეებს ლექსები და მოთხრობები წაუკითხეს. შეხვედრის დასრულების შემდეგ კი V ქვეით ბრიგადას სამახსოვროდ საკუთარი მოთხრობებისა და ლექსების კრებულები გადასცეს.
პროექტი „ცოცხალი წიგნები“ თავდაცვისა და კულტურის სამინისტროებს შორის 2015 წლის ნოემბერში გაფორმებული მემორანდუმის საფუძველზე ხორციელდება.
თანამედროვე ქართველი მწერლები ჯარისკაცებს, პროექტის ფარგლებში, პირველად გასული წლის 7 ნოემბერს კოჯრის სერჟანტთა მომზადების ცენტრში ეწვივნენ, მას შემდეგ სამხედრო მოსამსახურეებთან შეხვედრები რეგულარულად იმართება" - ნათქვამია სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.