"ერთიანი ნაციონალური მოძრაობის" წევრის, დავით კირკიტაძის ძმა ირაკლი კირკიტაძე 5 000-ლარიანი გირაოს სანაცვლოდ გაათავისუფლეს. ამის შესახებ ინფორმაციას "ნაციონალური მოძრაობის" წევრი ირმა ნადირაშვილი სოციალურ ქსელ "ფეისბუქში" ავრცელებს.
"ამით ნათლად დადასტურდა, რასაც პირველივე წუთებიდან ვაცხადებდით: კირკიტაძის ოჯახის წევრი გარდაბნის არჩევნების წინ ხელისუფლებას მძევლად ჰყავდა აყვანილი. მისი დაკავების საბაბი მოქმედი პოლიციელის მრიდან ჩადებილი პროვოკაცია გახდა. ბიძინა ივანიშვილს უნდა ესმოდეს, რომ ოჯახის წევრების ციხეში ჩასმა, საარჩევნო უბნებზე იარაღით ზონდერების სირბილი, მას ხელისუფლებას ვერ შეუნარჩუნებს. ის, რაც შესაძლებელი იყო ერთ ოლქში, შეუძლებელი იქნება მთელს საქართველოში 2016 წლის ოქტომბერში. ოქტომბერში "ოცნება" უნდა დავამთავროთ", - აცხადებს ნადირაშვილი.
თბილისის პოლიციის დეპარტამენტის დიდუბე-ჩუღურეთის სამმართველოს 1-ელი განყოფილების თანამშრომლებმა, ოპერატიულ-საგამოძიებო ღონისძიებების შედეგად, 1979 წელს დაბადებული ირაკლი კირკიტაძე ხულიგნობის ბრალდებით გასულ თვეს დააკავეს. გამოძიების ინფორმაციით, დაკავებულმა თბილისში, დიღმის მასივის მე-5 კვარტალში, უხეშად დაარღვია საზოგადოებრივი წესრიგი, სიტყვიერი და ფიზიკური შეურაცხყოფა მიაყენა მოქალაქეს და თავის არეში ცეცხლსასროლი იარაღი ჩაარტყა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.