საგარეო საქმეთა მინისტრმა, მიხეილ ჯანელიძემ საქართველოში თურქეთის რესპუბლიკის საგანგებო და სრულუფლებიან, ელჩთან ზექი ლევენთ გუმრუქჩუსთან შეხვედრა გამართა. ინფორმაციას ამის შესახებ სამინისტროს პრესსამსახური ავრცელებს.
სამინისტროს ცნობით, შეხვედრისას, საქართველო-თურქეთის სტრატეგიული პარტნიორობის შემდგომი განვითარების პერსპექტივები განიხილეს.
"კმაყოფილებით აღინიშნა, რომ საქართველოსა და თურქეთს აკავშირებს აქტიური თანამშრომლობა მთელი რიგი მიმართულებებით, მათ შორის, პოლიტიკურ, სავაჭრო-ეკონომიკურ, ტრანსპორტის, ენერგეტიკის სფეროებში, ამასთან, არსებობს ურთიერთობათა შემდგომი გაღრმავების დიდი პოტენციალი.
"განსაკუთრებული ყურადღება მაღალი დონის ორმხრივი ვიზიტების განხორციელებას დაეთმო. საუბარი შეეხო უახლოეს პერიოდში დაგეგმილი თურქეთის საგარეო საქმეთა მინისტრის საქართველოში ვიზიტისა და საქართველო-აზერბაიჯანი-თურქეთის საგარეო საქმეთა მინისტრების მორიგი სამმხრივი შეხვედრის დეტალებს, ასევე პრემიერ-მინისტრების დონეზე საქართველოსა და თურქეთს შორის მაღალი დონის სტრატეგიული თანამშრომლობის საბჭოს გამართვის საკითხს.
შეხვედრისას თურქეთის ელჩმა საქართველოს სუვერენიტეტისა და ტერიტორიული მთლიანობისა და ნატო-ში გაწევრიანების მკაფიო მხარდაჭერა დააფიქსირა" - ნათქვამია სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.