ცეცხლსასროლი იარაღის დაკარგვის შესახებ ცრუ შეტყობინების კრიმინალიზება იგეგმება. ასევე შესაძლოა შეიცვალოს პასუხისმგებლობის ზომები, რომელიც იარაღის მართლსაწინააღმდეგო შეძენა/შენახვაზეა დადგენილი.
ამას შინაგან საქმეთა სამინისტროს მიერ მომზადებული საკანონმდებლო ინიციატივა ითვალისწინებს. პროექტი პარლამენტში ჯერ ინიცირებული არ არის, თუმცა ასახულია იმ საკანონმდებლო ინიციატივათა ნუსხაში, რომლის წარდგენას მთავრობა პარლამენტისთვის საგაზაფხულო სესიის განმავლობაში აპირებს.
პროექტის მიხედვით,ცეცხლსასროლი იარაღის (გარდა სანადირო ცეცხლსასროლი და სპორტული ცეცხლსასროლი იარაღისა), საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა/შენახვისათვის სასჯელის ზომა განისაზღვრება თავისუფლების აღკვეთით ვადით – 4-დან 6-წლამდე, ნაცვლად 4 წლამდე თავისუფლების აღკვეთისა.
ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო ტარებისათვის ნაცვლად 4-დან 6-წლამდე თავისუფლების აღკვეთისა, დგინდება თავისუფლების აღკვეთა ვადით 5-დან 7-წლამდე.
გარდა ამისა, პროექტით, "სისხლის სამართლის კოდექსს" ახალი მუხლი ემატება, რომლითაც ცეცხლსასროლი იარაღის(გარდა სანადირო ცეცხლსასროლი და სპორტული ცეცხლსასროლი იარაღისა), დაკარგვის შესახებ ცრუ შეტყობინების კრიმინალიზაცია ხდება.
"ცვლილებების მომზადება განპირობებულია იმით, რომ ცეცხლსასროლი იარაღი წარმოადგენს მომეტებული საფრთხის წყაროს დანაშაულის ჩადენის რისკების თვალსაზრისით", - განმარტავს შინაგან საქმეთა სამინისტრო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.