შსს-ს საგანგებო სიტუაციების მართვის სააგენტოს განსაკუთრებულ საგანგებო სიტუაციებზე რეაგირების სამმართველოში ახალი ადმინისტრაციული შენობა გაიხსნა. მისი მშენებლობა აშშ-ს ევროპული სარდლობის ჰუმანიტარული დახმარების პროგრამის ფარგლებში გასულ წელს დაიწყო. აღნიშნული პროექტი აშშ-ს თავდაცვის დეპარტამენტის დაფინანსებით განხორციელდა.
ახალი ადმინისტრაციული შენობა აშშ-ს საგანგებო და სრულუფლებიანმა ელჩმა საქართველოში იან კელიმ და შს მინისტრის მოადგილე მერაბ მალანიამ გახსნეს.
შსს-ს საგანგებო სიტუაციების მართვის სააგენტოს განსაკუთრებულ საგანგებო სიტუაციებზე რეაგირების სამმართველოს ახლადგახსნილი ადმინისტრაციული შენობა მნიშვნელოვნად გააუმჯობესებს მეხანძრე-მაშველთა პროფესიული დონის ამაღლებას და სასწავლო ტრენინგების დაგეგმვის პროცესს. ახალი სასწავლო-ტრენინგ ცენტრი მრავალფუნქციურია.
მომავალში აქ, საგანგებო სიტუაციების პრევენციის მიზნით, როგორც საერთაშორისო წვრთნებისა და კონფერენციების ჩატარება, ასევე, რეგიონული საგანგებო სიტუაციების სამსახურებისა და ადგილობრივი თვითმართველობების წარმომადგენელთა გადამზადება იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.