უკრაინის მდგომარეობა არ იცვლება და რუსეთი განაგრძობს უკრაინის ტერიტორიების ოკუპაციას, - ამის შესახებ საქართველოს ყოფილმა პრეზიდენტმა, ოდესის ოლქის გუბერნატორმა მიხეილ სააკაშვილმა მიუნხენიდან „რუსთავი 2“-ის გადაცემა „არჩევანში“ პირდაპირ ეთერში ჩართვისას განაცხადა.

„საქმე იმაშია, რომ აღარავინ არ ახსენებს საქართველოს ტერიტორიების ოკუპაციას, აღარ ახსენებს ამას იმიტომ, რომ საქართველო თვითონ აღარ ლობირებს ამას“, აღნიშნა სააკაშვილმა და დაამატა, რომ „საქართველო მთლიანდ გამქრალია რადარებიდან“.

„რაც უნდოდათ ის გააკეთეს, ივანიშვილი იძახოდა, ალასანია იძახოდა სხვათა შორის, არ უნდა ვიყოთ განხეთქილების ვაშლი დასავლეთსა და რუსეთს შორის, აღარა ვართ განხეთქილების ვაშლი, საერთოდ არანაირი ვაშლი აღარა ვართ, არც კიტრი აღარა ვართ. ვართ გამქრალები. ასე რომ, ეს იყო ივანიშვილის... როცა მოგყავს „გაზპრომის“ მთავარი აქციონერი, მან გააკეთა ზუსტად ის, რასაც რუსები ცდილობდნენ, რომ მთელი ეს წლები მიეღწიათ და არაფერი არ გამოსდიოდათ, ერთბაშად მიაღწიეს ყველაფერს,“ განაცხადა მიხეილ სააკაშვილმა მიუნხენიდან „რუსთავი 2“-ის გადაცემა „არჩევანში“ პირდაპირ ეთერში ჩართვისას.