კოალიციაში პარტია "ქართული ოცნება" წამყვანი ორგანიზაციაა, ამიტომ როგორც წარმატებებზე, ისე დამარცხებაზე, პასუხისმგებლიც ის არის - ამის შესახებ ქუთაისის მაჟორიტარი დეპუტატი, ვიცე-სპიკერი გუბაზ სანიკიძე გაზეთ "კვირის პალიტრასთან" ინტერვიუში აცხადებს და განმარტავს, რომ პარტია "ეროვნული ფორუმი" კოალიციის დატოვებას არ აპირებს.
"ვერ ვხვდები სერიოზულ მიზეზს, რატომ უნდა დავტოვოთ კოალიცია. შესაძლოა გარკვეულ საკითხებზე ვერ ვთანხმდებით, მაგრამ პრინციპები საერთო გვაქვს. კოალიცია თვითშეზღუდვას გულისხმობს, ჩვენს პარტიას კი კოალიციისთვის პრობლემები არასდროს შეუქმნია, არც კვოტებზე. კოალიციაში ვისაც მეტი წილი ხვდა, ბევრ საკითხზე პასუხისმგებლობაც მას ეკისრება...
მთავრობაში "ეროვნულ ფორუმის" წევრები მაღალ თანამდებობეზე არ არიან წარდგენილები. აღმასრულებელ ხელისუფლებაში მინისტრი არ გყავს, პარლამენტში კი მხოლოდ ორი - ვიცე-სპიკერისა და კომიტეტის თავმჯდომარის პირველი მოადგილის პოსტი გვაქვს. ვიღაცეები ამას ჩვენ სისუსტედ მიჩნევენ, მაგრამ მე განსხვავებული პოზიცია მაქვს - მნიშვნელოვანი თანამდებობა კი არა, გავლენაა. ვისაც ათი მინისტრი ჰყავს, პროცესებზე მეტი პასუხისმგებლობაც მან უნდა იტვირთოს. კოალიციაში პარტია "ქართული ოცნება" წამყვანი ორგანიზაციაა, ამიტომ როგორც წარმატებებზე, ისე დამარცხებაზე, პასუხისმგებლიც ის არის", - აღნიშნავს საკინიძე.
დეპუტატი ხაზს უსვამს, რომ "ეროვნული ფორუმი" სამთავრობო გადაწყვეტილებებში არ მონაწილეობს, "რადგან მთავრობაში პარტიის წარმომადგენელი არ არის."
"ჩვენ არ გვყავს მთავრობაში წარმომადგენელი, მაგრამ ეს არ ნიშნავს, რომ კარგი სპეციალისტები არ გყავს. მიუხედავად იმისა, რომ ჩვენს საკადრო შესაძლებლობებზე კარგი წრმოდგენა გვაქვს, კოლეგები თვლიან, რომ მათ მართვა უკეთესად შეუძლიათ. კი ბატონო, ხელს არ შევუშლით", - აცხადებს გუბაზ სანიკიძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.