პაატა ჯიბლაძემ „პირველ პრესკლუბში“ საუბრისას, „მემარცხენე ალიანსის“ პოზიცია დააფიქსირა და აღნიშნა, რომ გაზაფხულზე, პრეზიდენტის სასახლეში შეხვედრაზე, პარლამენტის თავმჯდომარემ, დავით უსუფაშვილმა ხელი მოაწერა მიმართვას, რომლის მიხედვითაც 2016 წლის არჩევნები, არა მაჟორიტარული, არამედ რეგიონულ-პროპორციული სისტემით უნდა ჩატარებულიყო.


„გაზაფხულზე პრეზიდენტის სასახლეში მოხდა ინტერფრაქციული ჯგუფის შემადგენლობაში ამ საარჩევნო კოდექსთან დაკავშირებით საკითხების განხილვა. მაშინ ჩვენმა პარტიამ ხელი მოაწერა მოთხოვნას, რომ ხელისუფლებას და საპარლამეტო უმრავლესობას გადაედგა ნაბიჯი, ქვეყანაში 2016 წლის საშემოდგომო საპარლამენტო არჩევნები ჩატარებულიყო რეგიონალურ-პროპორციული სისტემით, რაზეც ხელისფლება არ თანხმდება. ეს იქნება უმნიშვნელოვანესი ქვეყნისათვის, რომ რეგიონალურ-პროპორციული სისტემით ჩატარდეს არჩევნები და ეს იქნება კიდევ ერთი წინ გადადგმული ნაბიჯი დემოკრატიისაკენ, მითუმეტეს თუ გავიხსენებთ იმას, რომ შეხვედრაზე პრეზიდენტთან ამ მიმართვას ხელი, პარლამენტის თავმჯდომარემ, ბატონმა, დავით უსუფაშვილმა მოაწერა. შეიძლება გადამწყვეტი მნიშვნელობა იქონიოს, დღეს უმრავლესობაში ჩამოყალიბებულმა და მიღებულმა გადაწყვეტილებამ,  რომ მაჟორიტარული არჩევნები ჩატარდეს 2016 წელს, მაგრამ კიდევ ვიმეორებ, ეს აუციელებელია ქვეყნის განვითარებისათვის. მე იმედი მაქვს, რომ კიდევ ერთხელ დაფიქრდება ხელისუფლება, საპარლამენტო უმრავლესობა და მიიღებენ იმ გადაწყვეტილებას, რომლის შედეგადაც ქვეყანაში ჩატარდება რეგიონულ-პროპორციული არჩევნები, მაჟორიტარული არჩევნების მაგივრად“, - განაცხადა პაატა ჯიბლაძემ.


აქვე ჯიბლაძე დაურეგისტრირებელი მიწების პრობლემასაც შეეხო და განაცხადა, რომ სოფლად გლეხების დამაგრებას, ხელისუფლებისგან მხარდაჭერა სჭირდება, წინააღმდეგ შემთხევავაში მიწებს, უცხო ქვეყნიდან ჩამოსული ადამიანები შეიძენენ.


„პოლიტიკური გაერთიანება "მემარცხენე ალიანსი" მოხარულია რომ ჩვენს მიერ 6 თებერვალს ჩატარებულმა პრესკონფერენციამ, როდესაც ჩვენ მოვუწოდეთ ხელისუფლებას, კერძო საკუთრებაში არსებული დაურეგისტრირებელი მიწის ნაკვეთები გლეხებისთვის გადაცემულიყო უფასოდ ანუ დაეფინანასებინა ბიუჯეტს, ამ საკითხმა ვნებათაღელვა გამოიწვია. ჩვენ ყველანაირად ხელი უნდა შევუწყოთ სოფლად გლეხების დამაგრებას, თუ გლეხებმა ბიუჯეტის დახმარებით ვერ დაირეგისტრირეს მიწები, მაშინ გამოდის, რომ ერთი წლის შემდეგ, სახელმწიფო თავის საკუთრებაში აიღებს გლეხების და ფერმერების კუთვნილ მიწებს და შემდეგ მოახდენს მის პრივატიზაციას. ამ მიწებს რომელი ქვეყნიდან ჩამოსული ადამიანი იყიდის და შემდეგ, ჩვენი გლეხობა რა მდგომარეობაში ჩავარდება, ჩვენ ძალიან კარგად ვიცით. ამ საკითხებზე უნდა დაფიქსირდეს ხელისუფლების პოზიცია, რომ არ მოხდეს ჩვენი გლეხობის მასობრივი აყრა მათი ძირძველი ტერიტორიებიდან," აღნიშნა პაატა ჯიბლაძემ.