„ამაზე მეტი რა უნდა გაგვაბანძოს ბიძინა ივანიშვილმა, უნივერსიტეტის ულტრა-თანამედროვე შენობაში ლაბორატორია გამოშიგნეს და ბინებს იკეთებენ,“ - ამის შესახებ საქართველოს ყოფილმა პრეზიდენტმა, ოდესის ოლქის გუბერნატორმა მიხეილ სააკაშვილმა გადაცემა „განსხვავებულ აქცენტებში“ ისაუბრა.

„ესენი ისეთი კატასტროფაა, რომ იმის იქეთ უკვე აღარაფერი აღარ არსებობს. ისეთ სიბანძეში ამოყო თავი საქართველომ... ყველაზე სწორად თქვა კახა ბენდუქიძემ: ჩვენ გადავდგით გიგანტური ნაბიჯი დემოკრატიისკენ და აღმოვჩნდით იმ სუბსტანციაში, რომელშიც... კარგად გამოსდიოდა მაგის გამოთქმა. რეალურად იქ აღმოვჩნდით მართლა. ყველაფერი გაჩერდა. მე მართლა გული მწყდება, იმაზე კი არა, ჩემს თანამდებობაზე, რა თქმა უნდა სისულელეა, იმიტომ რომ ჩემთვის თანამდებობა საერთოდ არაფერს არ ნიშნავს, იმაზე, რასაც ვაკეთებდი. ბათუმის ტექნოლოგიური ინსტიტუტი, ამერიკული, რომელსაც ჩემს გარდა ჭირისუფალი არ დარჩა საქართველოში, მოვასწარი მხოლოდ გახსნა შენობის და ფულის წამოღება და იქ ლაბორატორიების გაკეთება. ეს იქნებოდა მსოფლიოს ერთ-ერთი ყველაზე წამყვანი უმაღლესი სასწავლებელი,“ აღნიშნა სააკაშვილმა და დაამატა, რომ ამ უნივერსიტეტისთვის ამერიკელებმა მაშინ 150 მილიონი მისცეს და ამდენივე ოდენობის თანხას საქართველო დებდა. სააკაშვილის თქმით, ეს შენობა ახლა „ვიღაცას“, უკრაინელებს აჩუქეს 20 მილიონად და იქ ახალ საცხოვრებელ სახლს აკთებენ.

„ამაზე მეტი რა უნდა გაგვაბანძოს ბიძინა ივანიშვილმა, უნივერსიტეტის ულტრა-თანამედროვე შენობაში ლაბორატორია გამოშიგნეს და ბინებს იკეთებენ,“ განაცხადა მიხეილ სააკაშვილმა.